71. De ss. Patronis Troianis.

1. Exsultemus in bac die

speciali gloria

2. De sanctorum nobis data

festiva memoria.

2. Isti mundum despexerunt

eius atque gaudia

4. Et cum Deo gloriantur

in caelesti patria ;

5. Regum minas contemnentes

iussaque crudelia

6. Verum regem dilexerunt

eius et imperia ;

7. Regis aeterni

congaudentes extulerunt

nomen et praeconia.

8. Quorum triumphos

concinamus gloriosos

dulci cnm melodia.

9. Erant in mundo populis

clara luminaria

Atque illis praedicabant

verba salutaria.

10. Multa per eos Dominus

fecit mirabilia

Et infirmis sua manus

contulit auxilia.

11. Non tormenta formidarunt,

sed contra principum

tyrannidem pugnarunt

ista vita destituta.

12. Illis ergo serviamus,

eorum pariter

suffragia quaeramus

nostra laude sic secura.

13. O beate Eleutheri,

huius nostri preces cleri

sume cum laetitia,

14. Sume preces et exaudi

concinentes tuae laudi

virtutis insignia.

15. Per te credit comes ''Felix

''Christo factus iam fidelis

cum sua militia.

16. Adrianum tu vicisti,

verba cuius despexisti

eiusque supplicia.

17. Victa dolet nunc immanis

Adriani furia,

18. Et athleta Christi gaudet

in polorum curia.

19. Gloriose Pontiane,

noster custos sempiterne

tutaque custodia ;

20. Anastasi, vir insignis,

tua miris claret signis

haec praesens sollemnia.

21. Isti patres nobis donent

et poscant a Domino

loca pia,

22. Qui nos salvent atque regant

et ducant ad superos

recta via.

23. Horum festa plebs Troiana

colat et Apulia,

24. Quam gubernet ac defendat

Christus sua gratia.

25. Amen dicant omnia.