71. In Assumptione BMV.

1 a. Salve, virgo gloriosa,
Mater Christi generosa,
Pietate plena.

1 b. Salve, dulcis et formosa
Vitaeque caelestis glosa,
Parens sine poena.

2 a. Salve, rosa sine spina,
Velut stella matutina
In resurrectione.

2 b. Salve, mundi medicina,
Cui fulsit lux divina
In ascensione.

3a. Salve, flos et fons hortorum,
Mater regis angelorum
In regali throno.

3 b. O Maria, flos agrorum,

Nos ad loca duc sanctorum
Cum caelesti sono.