Bonaventure of Bagnoregio, In Tertium Librum Sententiarum

2.Item, hoc ipsum videtur per Augustinum , decimo super Genesim ad litteram, et habetur in Glossa : " Sicut, Adam peccante, peccaverunt qui in lumbis eius erant;sic, Abraham dante decimas, qui in lumbis eius erant decimati sunt"; sed constat, quod proles potuit peccare in Adam: ergo et decimari in Abraham.

3. Item, hoc ipsum videtur ratione: quia proles in parentibus potest liberari et in servitutem redigi , quia servus natus est servilis conditionis : ergo pari ratione videtur, quod in parentibus dantibus decimas filii habeant decimari.

4. Item, decimatio est actus figuralis ; sed figura non tantum est respectu praesentis, sed praeteriti et futuri: ergo videtur, quod non tantam possit decimari in propria persona filius, sed etiam cum est in parente tanquam in causa et materia.

Sed contra: 1. Augustinus decimo super Genesim ad littera : " In lumbis Abrahae illud decimabatur quod curabatur " ; sed filii Abrahae non sunt curati ab originali, immo nati sunt cum peccato originali : ergo non videtur, quod in Abraham fuerint decimati.

2. Item, cum datur decima de frumento, non propter hoc datur decima de illo frumento, quod debet nasci : ergo pari ratione, cum datur decima pro homine, non videtur, quod ille qui nasciturus est ex eo, decimetur in eo

sicut enim homo est in homine seminaliter, sic granum in grano

ergo ratio ista bona videtur.

3. Item, sicut circumcisio remedium est contra originale in Lege figurae, et baptismus in Lege gratiae, sic decimatio in Lege naturae, ut dicit Hugo de sancto Victore ; sed nullus in ventre matris potuit baptizari nec circumcidi: ergo nec decimari.

4. Item, aut decimari est per decimam curari, aut decimari est ad decimam obligari, aut decimari est de aliquo decimam partem dare, aut decimari est per decimam praefigurari; sed nullo istorum modorum fuit Levi in Abraham decimatus, quia nec per decimam curatus, nec ad dandum decimas obligatus, cum potius reciperet , nec decimam dedit, nec per decimam significatus fuit: ergo nullomodo videtur decimatus fuisse in Abraham: et si ille non fuit decimatus, pari ratione nec aliqui alii.

CONCLUSIO.

Proles aliquo modo potest in parentibus decimari, secundum eum modum, quo decimatio nihil ponit in actu circa decimatos, sed est actus figuralis, significans futuram curationem.

Respondeo : Ad praedictorum intelligentiam est notandum, quod decimatio fuit actus moralis, sacramentalis et figuralis. Secundum quod fuit actus moralis, sic decimatio dicitur alicuius certae partis donatio ad sustentationem eorum qui serviunt Domino et deputati sunt cultui divino; et hoc modo decimatio aliquo modo perseverat usque modo . -Secundum autem quod decimatio est actus sacramentalis, sic decimatio est alicuius partis donatio ad curationem morbi originalis.

Secundum autem quod decimatio est actus figuralis, sic decimatio est decimae partis donatio ad praeflgurationem curationis universalis, quae futura erat per dolationem Christi.

Duobus primis modis accepta decimatio respicit tantum praesens ; quia non datur decima nisi de hoc, quod habetur, et non curatur nisi quod iam habet morbum. Tertio autem modo decimatio accepta non tantum est praesentis, sed etiam futuri, pro eo quod. figuratio est significatio, et significatio non tantum extendit se ad praesenlia, sed etiam ad futura ; et hoc.modo dicuntur filii Abrahae decimati in Abraham, quia per illam decimationem praefigurati sunt omnes filii Abraham cubandi,esse per eum qui significabatur per Melchisedech, id est per verum sacerdotem Christum. Et hoc est quod dicit Augustinus decimo super Genesim ad litteram : "Cum ipsa decimatio ad praefigurandam medicinam pertinuerit, ille in Abraham decimabatur, qui curabatur ", non quando praefigurabatur,sed quando illius figurae veritas implebatur.

Concedendae sunt igitur rationes ostendentes. quod aliquo modo potest decimari proles in parente, secundum eum modum, quo decimatio nihil ponit in actu circa decimatos,. sed solum secundum significationem, quae non tantum, est pracsenfiniu, sed etiam futurorum.

1. Ad illud quod objicitur primo de auctoritate Augustini.,(dicendum, quod sicut patet ex verbo praecedenti , decimabatur quod curabatur, non dicit concomitantiam secundum idem tempus ad hoc quod est decimari, immo potius se extendit ad omne tempus, et pro illo tempore reddit locutionem veram, in quo implebatur veritatis figura.

2. Ad illud quod obiicitur, quod non datur decima de grano, quod non est in re, sed solum in ratione seminali: dicendum, quod non est simile, quia decimatio, prout est actus figuralis, non se extendit ad significandum aliquid circa granum, sed ad significandum aliquid circa genus humanum, unde granum respicit ut materiam, circa quam habet exerceri, non circa illud quod per ipsum habet significari. Et quia exercitium Yequirit materiam praesenlem, significatio se extendit ad futura , ideo non est simile.

3. Ad illud quod obiicitur de baptismo et circumcisione, dicendum, quod non est simile, nisi in quantum decimatio est actus sacramentalis Legis naturae ad remedium originalis peccati: hoc modo non est nisi circa praesens, sicut circumcisio et baptismus. Secundum autem quod est actus figuralis, sic non est simile.

Si autem quaeratur, quare baptismus et circumcisio non potest esse actus figuralis, sicut et decimatio ; dicendum, quod ratio linius est, quia circumcisio et baptismus est actus in persona: decimatio autem, cum sit decimae partis oblatio, est actus pro persona. Et quia oblatio potest fieri pro eo quod ,est et quod futurum est, circumcidi et baptizari non nisi quod iam est ; hinc est, quod aptus decimandi potuit se extendere ad futuros, et non actus circumcidendi, vel baptizandi.

4. Ad illud quod quaeritur, quomodo proles dicitur decimariin parente: dicendum, quod decimabo idem est quod praefiguratio curationis. Unde nullo illorum modorum accipitur, qui in opponendo assignabatur : et ideo insufficienter procedebat illa obiectio.