LIBER TERTIUS

Aristoteles hoc lib. c. 1. multas ponit quaestiones, et capitibus seqq. varias adduci rationes dubitandi, nullas tamen resolutiones ad eas; ideo Doctor hic non haeret, sed unicam tantum quaestionem movet. Vide ipsum optime exponentem totius libri textum, in opere expositorio Metaphysicae.

Impossibile autem praedicari, aut species generis de propriis differentiis, aut genus sine suis speciebus, text. com. 2.

QUAESTIO UNICA.

Utrum Genus praedicetur per se de Differentia ?

Arist. Me text. 10. et lib. 7. text. 43. et 4. Top. c. 2. D. Thoro. 2. Met. lect. et contra Gentes c. 17. Ant. Andr. hic q. 2. et 7.Met. q. 15 Soncin. 7. Met. q. 37. Masius hic. sect. 2. q. 3 Rufo. q. 7. Vide Scotum7. hujus q. 17. et 1. post. q. 24. et in 4. dist. 11. q. 3.

Quod sic, homo per se est rationalis ; ergo rationale per se est homo: ergo rationale per se est animal. Probatio primae consequentiae, propositio necessaria convertitur in necessariam: ergo per se in per se. Probatio ultimae consequentiae, quia homo per se includit animal. Item, homo per se est animal; homo per se est rationalis, ergo, etc. Probatio consequentiae, sicut ex praemissis necessariis conclusio necessaria, sic ex per se, per se. Item 7. hujus, text. com. 43. quando aliquid praedicatur de aliquo per se primo modo, unum praedicatur de alio in abstracto; istae ergo sunt verae : Humanitas est rationalita, Humanitas est animalitas;

ergo sequitur, rationalitas est anmalitas, et tunc concretum est de concreto per se primo modo. Item in consequentia essentiali, praedicatum est de intellectu subjecti, sed 5. hujus dicitur cap. de Elemento, text. com. 4. quod cui inest differentia, et genus, etc. Item, si per accidens de differentia, et de specie. Probatio, quia quando aliquid praedicatur de aliquo per accidens, praedicatur de quolibet per accidens, quod intelligitur sub ratione illius, sicut sub ratione formali: sed species intelligitur sub differentia formaliter, ergo, etc.