Acta Pii Pp. XI 75

possumus, quiri animi Nostri erga te sensus palam confirmemus planeque

patefaciamus.Nemo est enim qui ignoret, quanta sollertia et navitate officii

pastoralis partes explere consueverit, quo studio ac pietate Apostolicam

hanc Sedem ipse semper colueris colendamque curaverit. Manifesta autem

sunt tuae munificentiae et religionis monumenta: inter quae eminent pro-

fecto Seminarium maius S. Mariae ad Lacum, te auctore et auspice, magni-

ficentissime aedificatur»! omnibusque exornatum praesidiis, sacrae aedes et

domus scholaeque paroeciales, passim in amplissima ditione tua a funda-

mentis conditae. Nec minus compertum est omnibus, magna te dedisse

incrementa iis consociationibus et institutis, quae ad fidem latius propa-

gandam potissimum spectant. Quantae vero curae tibi sit, ut fidelis popu-

lus in christianae vitae instituto magis in dies proficiat, vel ex ipso colli-

gitur consilio, per te iam pridem suscepto, ut in qualibet ex quadringentis

tuae ditionis paroeciis fideles isti per sacras missiones seu per spirituales

exercitationes ad sollemnia tui iubilaei peragenda sese pararent. Ita pro-

fecto, hortatu auspicioque tuo, plura ad effectum feliciter adducta sunt

vota celeberrimi illius Eucharistici Congressus, in civitate ipsa Chicagiensi

abhinc octo annos celebrati, cuius gloria et splendor numquam oblitterari

potest. Perspectas denique habemus paternas sollicitudines, quibus ipse

praesentibus populi angustiis et necessitatibus, per societatem praecipue

Vincentianam summa industria temperatane, subvenire contendis. Quae

Nos omnia in cunde memorantes, proxima faustitatis tuae sollemnia non

modo gratulatione Nostra augere exoptamus, sed auctoritatis quoque No-

strae suffragio facere fructuosiora. Tibi igitur, dilecte fifi Noster, ultro

concedimus, ut die ad sacri eventus celebritatem statuta, Sacro sollemniter

peracto^ adstantibus fidelibus Nostro nomine benedicas, plenam iisdem

commissorum veniam proponens, ad Ecclesiae praescripta lucrandam. Inte-

rea Deum instanter rogamus, ut multos praeterea aetati tuae annos adiiciat,

caelestium munerum plenos et meritorum. Quorum quidem in auspicium,

inque peculiaris dilectionis Nostrae pignus, tibi, dilecte fifi Noster, Episco-

pis tuis Auxiliaribus, itemque clero populoque universo apostolicam bene-

dictionem peramanter in Domino impertimus.

Datum Eomae apud Sanctum Petrum, die x v m mensis Octobris, in

festo S. Lucae evangelistae, anno MDCCCCXXXIV, Pontificatus Nostri tertio

decimo.

PIUS PP. XI