72. De s. Pelagio Martyre, patrono Constantiensi.

1. Omnes devota mente
veneremur digne

2. Immensa

Domini sacramenta,
mirandis signis edita,

3. Quae rite

praefulgent in beati
actione Pelagii.

4. Hunc christiana

progenitum de stirpe

5. Enutriendum
''testis fidei pius
''suscepit Uranius.

6. Cuius doctrina

mundi oblectamenta,

quae possedit,

ut stercora respuit ;

7. Cumque duodenos
peregisset

iam aetatis annos,
patris morte
deponitur misere.

8. Plurimis praediis
familiae tunc traditis

9. Hominum libere
''de servimine
iussit ''Christi laudibus adesse.

10. Hic spretis mundanis
fastibus
flamine sacro mente plenus

11. Ad iudicis ultro
tribunal
properat, Christum liber vocat.

12. Carceris

Tandem traditur tenebris
innocens ;

sed Christi lumen

mox inibi dat splendorem.

13. Comitis

Inde feritas fustibus

validis

Ac patibulo

fidei martyris tormenta parat ;

fervens oleum fudit,

quod firma mente pertulit.

14. Fragmenta testarum
infesta vis tortorum
iterum adhibet,
quae secure perfert.

15. In poenis talibus

dum permanet illaesus,
credentes barbari
nomen laudant Dei.

16. Victoriam digne
martyris deinde
tortor finit ense.

17. Sic spiritum tradens
superis Domini
coepit esse civis.

18. Pro nobis supplica ei,
quem amasti,
Martyr Christi.

ANALECTA HYMNICA

MEDII AEVI.

Herausgegeben
von

Clemens Blume S. J.