75. Ad Dominam nostram sanctam Mariam sedentem in throno.

1. Gaude, regina nobilis,

Virgo incomparabilis,

Quae in vestitu candido,

Omniformi et fulgido,

Sola fulges in solio

Sedens imperatorio.

Ad pedes.

2. Gaude, cuius pedibus

Affectuosis cordibus

Devoti prosternuntur,

Quos piis lustrant oculis

Et caris premunt osculis

Et corde complectuntur.

Ad calciamenta.

3. Quam pulchra es in calciis,

O nata summi principis,

Superbiae calcatrix;

Hic nostris desideriis

Tu faves nosque recipis,

Humilium amatrix.

4. Gaude, gaude, plusquam sancta,

Quae sub tua tenes planta

Draconis caput horridum,

Non permittas, ut respiret

Nec se quidem ut regiret,

Sed hostem preme rabidum.

Ad dexteram.

5. Gaude, ad cuius dexteram

Recurrunt salutiferam,

Oui lassi ad te veniunt.

Qui te amare cupiunt;

Qui ave per articulos

Depromunt tibi singulos,

Adponunt gemmas annulis,

Dum mulcent manum osculis.

Item.

6. Manus liaec in manu mea,

Tota mea spes in ea,

O amplectenda dextera,

Defende me et libera.

Ave dicam hic frequenter,

Tu ausculta diligenter,

Attende, audi auribus,

Quod tuis addo laudibus;

Ut te salutem dulcius,

Morabor hic diutius.

Ad digitos.

7. Gaude, cuius digitos

Auro, gemmis inclitos,

Dinumero cum osculis,

Aponens ave singulis.

Ad brachium.

8. Gaude, cuius sub brachio

Reversis de naufragio

Iucundum est pausare,

Sub tam pio regimine

Pro tuo dulci nomine

Da nobis accubare.

Ad ornamenta.

9. Gaude, quam Deus annulis

Ornavit et muraenulis,

Armilla, dextrochirio,

Torque, monili regio.

Ad genua.

10. Gaude, in caius genibus

In membris infantilibus

Deus homo sedit,

Huc ardenter properat,

Quisquis te desiderat,

Cito non recedit;

Devotos hic ad famulos

Maternos nectis oculos,

Dexteram praetendis,

Ut te totam habeant,

De cetero ne pereant,

Te totam impendis.

Ad sinum.

11. Gaude, mater orphanorum,

Vera nutrix parvulorum,

Quos lacte nutris gratiae,

Sinu foves clementiae.

Ad ventrem.

12. Gaude, quae Dei filium

Tuam per carnem proprium

Ventris portasti thalamo,

Lactis potasti balsamo.

Item.

13. Fac ad nostri solacium

Dilectum tui uteri

Nostrorum semper cordium

Totis medullis inseri.

Ad gremium.

14. Gaude, quae pio filio

In virginali gremio

Dulcem infigens oculum

Suave dedisti osculum.

15. Gaude, quae verum amicam,

Fontem amoris unicum,

Frequentasti amplexibus,

Amorem redolentibus.

16. Ergogaudeplusquam multum,

Et dilecti vide vultum

Singulari gratia,

Amplexantem amplexare.

Osculantem osculare

Perenni concordia.

Ad pectus.

17. Gaude, in cuius pectore

Quiescit omni tempore

Pax, pietas et bonitas,

Iucunditas, tranquillitas

Et suavitas et sanitas

Et caritas, sinceritas

Et veritas, securitas

Et puritas et bonitas;

Dum repausat in tam pio

Lassus reclinatorio,

Haurit gustum dulcedinis,

Levamen lassitudinis.

Item.

18. Gaude, cuius supra pectus

Tuus pausat praedilectus,

Quo nihil unquam suavius,

Nil dulcius, nil carius.

Ad ubera.

19. Gaude, cuius uberibus

Super vinum fraglantibus

Melliti manant rivuli,

Quibus potantur parvuli.

Ad Cor.

20. Gaude, clara et insignis,

Cuius flagrat cor ut ignis,

Quod coaptat se indignis

Nec recedit a benignis,

Docens amare fortiter.

Virgo lenis atque laeta,

Noster amor, spes et meta,

Nostra corda locupleta,

Ut amore tuo freta

Cor tuum tangant dulciter.

Item.

21. Gaude, lucis filia,

De tui cordis phiala

Propina nobis hodie

Saporem dulcis gratiae,

Qui nostra tangat intima,

Quo nostra fraglat anima.

22. Pincerna sancti spiritus,

Nos irriga medullitus,

Ut corde plus quam ebrio

Flagrantes desiderio

Clamemus: Modo sufficit,

Cor enim nostrum deficit.

23. Gaude, mater vere bona,

Parvulorum tu patrona,

Quos amoris dulci nexu

Cordis tui sub complexu

Tenes nimis tenere.

Vivas, vivas semper clamant

Ad cor tuum, qui te amant ;

Ave, ave non quiescit,

Gaude, gaude modum nescit,

Te totam da pro munere.

24. Rosa cordis, aperire,

Cuius odor fraglat mire,

Te dignare dilatare,

Fac cor meum anhelare,

Infer tuum infra sinum,

Ubi tibi sit vicinum,

Ut vix se ipsum capiat.

Hic repauset, hic moretur,

Ecce, iam post te movetur,

Te ardenter vult sitire,

Vult patenter introire;

Noli, noli contraire,

Debes ei consentire,

Ut bene de te sentiat.

Ad collum.

25. Collum tuum nobile,

Nobis tam flexibile,

Candens innocentia

Lac superat et lilia.

Ad mentum.

26. Gaude, gaude, cuius mentum

Est amoris blandimentum,

In quo floret bonitas,

Cuius os est verecundum

Et ut rosa rubicundum,

In quo ridet caritas.

Ad labia.

27. Gaude, cuius sunt labia

Plus favo mellis suavia,

Cuius lingua est eucharis,

Vincens dulcorem nectaris.

Ad nares.

28. Gaude, gaude, cuius nares

Suavitates singulares

Spirant cum fragrantia,

Odor tuus odor suavis,

Nulli gravis nisi pravis,

Quo pia mens fit ebria.

Ad genas.

29. Gaude, cuius Christus genas,

Venustatis flore plenas,

Amoris pressit osculo;

Bene menti te quaerenti,

Quae te sentit in praesenti

In pectoris cubiculo.

Ad supercilia.

30. Gaude, quae supercilia

Semper habes stellantia.

Cuius resplendent palpebrae,

Quasnullae claudunttenebrae.

Ad oculos.

31. Gaude, cuius sunt oculi

Lucentes ut carbunculi,

Pleni misericordia,

Quibus nos, o mater pia,

Affectuose respicis,

Saluti nostrae prospicis.

Ad faciem.

32. Fons et genae verecundae,

Instar rosae rubicundae,

Luce tuae faciei

Cedit lux meridiei.

Ad aures.

33. Gaude, in cuius auribus

Organicis carminibus

Vox concrepat angelica

Et omnis caeli musica,

Ad laudem et ad omnia

Tu dulcis es materia.

34. Gaude, suavis harmonia,

Nova caeli melodia

Organizans in camenis,

Praeis omnes cantilenis.

35. O sanctorum philomena,

Gaude, plaude, laude plena,

Quae tanto canis clarius,

Quanto laetaris amplius.

Ad caput.

36. Gaude, cuius caput cingit,

Et decoras comas stringit

Ornamentum virginale,

Quod est tuum speciale.

Ad coronam.

37. Gaude, in cuius capite

Distincta miro lapide

Corona lucet aurea,

Quam vestit lux aetherea;

Quam vere bi perficiunt,

Qui te ex corde sitiunt,

Qui te amantes sentiunt

Et curam carnis nesciunt.

Ad corpus et animam.

38. Gaude, virgo dulcissima,

Cuius corpus et anima

Singulare miraculum,

Miraculorum speculum.

39. O speculum munditiae,

Mundis infulgens cordibus.

Vas summae excellentiae,

Gemmis ornatum omnibus.

40. O angelorum gloria,

Laus, honor et laetitia,

O inclite Hos virginum,

O mediatrix hominum.

Gaude, quae plenitudine

Decoris stolae gerainae,

Tam corporis quam animae,

Ornata es pulcherrime.