75. De sancto Galgano.

In 1. Vesperis.

Antiphonae.

1. Laetetur plebs fidelium,
Ad sanctorum consortium
Galganus scandit inclitus
Omni virtute praeditus.

2. Exortus in provincia
Castro Cluslino Tusciae,
Proavorum prosapia
Spectabilis progenie.

3. In annis puerilibus
Satis effrenis moribus
Instruitur angelica
Visione mirifica.

4. Princeps caelestis patriae,
Michael visu adfuit,
Sumat novae militiae,
Signa Galganum monuit.

Ad Magnificat.

A. Magnificat prae ceteris
Virtutibus innumeris
Galganum sanctum deitas,
Per gratiam praeveniens,
In eadem stabiliens,
Coronans per gloriam ;
Per quem nobis veniam
Praestet beata trinitas.

Ad Matutinum.
Invitatorium.

Regem laudemus aeternum,
Qui sancto Galgano regnum
Dedit in caelis supernum.

In 1. Nocturno.
Antiphonae.

1. Beatus evangelicam
Legem meditatur,
Quae per doctrinam caelicam
Sibi demonstratur.
2. Quare mundialia

Vana cuncta sprevit,
Qui sola caelestia
Quaerere decrevit.
3. Cum invocarem Dominum,
Ait sanctus, justitiae,
Vitare turbam hominum
Decet vanae militiae.
4. Verba mea, Domine,
Percipe precantis,
Viam tuo lumine
Dirigens errantis.
5. Domine, mirabilem

Tenens principatum,
Da, vincam terribilem
Daemonis conatum.

6. In Domino fiduciam
Totam hic jactavit,
Qui carnis immunditiam
Vere declinavit.

Responsoria.

1. Aperit matri filius

Secreta visionis,
Quae reseravit nuntius

Caelestis regionis,
Quae mente volvens tacite
Mater respondit concite:

Immensum tibi gaudium

Figurat hoc praesagium.
V. Christus Dei filius
Galganum specialius

Suum vocat per nuntium.

2. Archangelus apparuit
Iteratoque monuit

Galganum, sequatur,
Ad flumen magnum veniunt,
Molendinum conspiciunt,
Quod ibi rotabatur;
V. Decursus praesentium
Mundanorum fragilium
Illo figurabatur.

3. Transacto ponte fluvii

Pratum florum reperiunt
Odoris mirifici,
Ascendunt montem Sepii,
Domum ibi conspiciunt
Coetus apostolici ;
V. Erat domus haec rotunda,
Ubi turba stat jucunda
Senatus magnifici.

4. Librum jubetur tollere,
Versiculum hunc legere:
Literas qui ignoravi,
In potentias intravi
Divini memor nominis ;
V. Imaginem speciosam,
Quam agnovit gloriosam,
Vidit Dei hominis.

In 2. Nocturno.
Antiphonae.

1. Domine, sine macula
Ingreditur possessor
In tua tabernacula
Tuus hic confessor.

2. Domine, lactabitur
In virtute tua
Sanctus, qui servabitur
In puritate sua.

3. Domini est gratia

Regnum praeparatum,
Qui servat innocentia
Cor immaculatum.

4. Exaudi orationem

Meam, Deus, qua deprecor,
Spatae fac sanationem,
Qua confracta tribulor.

5. Te decet hymnus hodie
Galgani vocem audiens,
Rex aeternae gloriae,
Fractum ensem reficiens.

6. Bonum tibi confiteri
Creatori omnium,
Cui semper misereri
Fuit et est proprium.

Responsoria.

1. Dum ad castrum Civitellae
Pergit equus, stans in via
Prope castrum Lugrianum
Contradicit suo velle,
Motus orat voce pia:
Deus, dirige Galganum.
V. Primum Adam qui plasmasti,
Mihi quoque demonstrasti
Spernere hunc mundum
vanum.
2. Prece fletu terminata
Equus motu proprio

Pergit condenso nemore
Sistens monte Sepio,
Ubi manet fixa spata,
Manet omni tempore.

V. Vera crux ense signatur,
Quae per sanctum honoratur,
Mortificato corpore.

3. Herbis famem refocillans,
Aqua sitim, non vacillans
Perseverat fortiter,
Satan saevit acriter
In Galganum exsiliens ;

V. Daemon terrere cupiens
Orantem venit jaciens
Trabem ignis, post fugiens.

4. Fama cupiens latere

Sanctis micans virtutibus
Diffunditur in Thuscia,
Mulieres mox venere
De Aretii partibus
Cum maxima fiducia;
V. Manu contractam puellam
Ad ipsius ductam cellam
Sanat Dei gratia.

In 3. Nocturno.
Ad Cantica.

A. Beatus solitariae

Vitae Galganus studuit,
Non thesauris pecuniae
Spem suam unquam posuit.

Responsoria.

1. Apostolorum limina,
Qui sunt mundi lumina,
Visit pro indulgentia,
Dum fit absens, aliquorum
Corda fremunt malignorum
Pro pessima invidia;
V. Hos ad locum accedentes,
Ensem fractum relinquentes,
Dei ferit sententia.

2. Cum sic Romae perseverat,
Hoc per visum asserebat

Sibi caelestjs nuntius ;
Dolens cogitur redire,
Ubi meretur audire:

Ne adeas ulterius.

V. Pars fracta dum reponitur
Spatae fractae reficitur
Ensis, auditque citius.

3. Construxit cellulam
Galganus parvulam
De lignis, humilem,
Rotundam, similem

Ejus, quae nunc cernitur.

V. In montis culmine
Caelesti numine
Talis ostenditur.

i. Sacris dum vacat studiis,
Continuis vigiliis
Luce missa caelitus
Vox clamat divinitus:
Satis est, quod laborasti,
Mete nunc, quod seminasti.

V. Corpus inane linquitur,
Anima caelo rapitur,
Galgano dum sic dicitur.

In Laudibus.
Super Psalmos.

A. Laudes reddit sanus factus
Puer parvulus, contractus
Manibus atque pedibus,
Sancti Galgani precibus.

Ad Benedictus.

A. Benedictus es, Domine,
Qui reparas in homine
Angelicum excidium,
Galganum vana spernere,
Te solum Deum quaerere
Tuorum docens praemium.

Ad Horas.
Ad Primam.

A. Reddens vitae puerum
Demersum in fluvio
Solatur patrem miserum
Suo patrocinio.

Ad Tertiam.

A. Clausus arto carcere
Fugit ab ergastulo,
Sancti Dei munere
Liber a periculo.

Ad Sextam.

A. Religatum in catenis
Visa sanctus eripuit,
Liberam a diris poenis
Suis eum restituit.

Ad Nouam.

A. Quasi omnis gratiae
Dono invocatus
Cuidam custodiam
Reserat beatus.

In 2. Vesperis.
Antiphcmae.

1. Sancti mirabilia
Canamus multiplicia,

Privatum cunctis sensibus
Suis reddit visibus.

2. Visitans sancti limina
Contracta manu femina
Cum sanitatis gratia
Laeta redit ad propria.

3. Vexatam a daemonio
Mulierem septennio
Latam in oratorio
Suo curat suffragio.

4. Leprosus sui similem
Cerae ferens imaginem
Curatus agit gratias
Sancto Galgano nimias.

Ad Magnificat.

A. Magnificat miraculis
Galganum coram oculis

Dominus cernentium,
Capitis servans decorem
Devotarum ad bonorem

Sibi famulantium,
Per ipsum languentibus
Cunctis se petentibus

Dans salutis gaudium.