76 TARNOVIEN.

Dubium

An deputatio canonici Walczynski in vicarium capi- tularem sustineatur in casu.

RESOLUTIO. Sacra C . O. re discussa sub die 8 Maii 1 8 8 6 censuit respondere: « Negative, praevia sanatione, quate- nus opus sit, quoad actus iurisdictionales, facto verbo cum SSiho. >

Ex QUIBUS COLLIGES :

I. In paritate votorum negotium Collegii considerari ceu reiectum ; in iure enim votorum aequalitas operatur nulli- tatem electionis; et ideo candidatus qui maiorem, suffragio- rum numerum non obtinuit habendus est exclusus.

II. Ad electionis valorem requiri votorum maioritatem innuit cap. Quia propter 42 de elect. decernens : « . . . is, collatione habita, eligatur in quem omnes vel maior et sanior pars capituli consentit. »

III. Quum nulla distinctio a lege fiat utrum paritas, vel maioritas votorum computanda sit, comprehendeñdo vel excludendo etiam electum, hinc absque distinctione retinen- dum est paritatem et maioritatem computandam esse, com- prehenso electo.

IV. Praxim generalem capitulorum consonam esse huic doctrinae facile evincitur; eo quod pro validitate electionis exigi solet maioritas absoluta votorum omnium praesentium, non excluso ipso electo.

V. Maiorem capituli partem eam esse pro qua stat maior eligentium numerus, non quidem respectu alterius minoris partis, sed respectu totius capituli ; ita ut si vocales sint duodecim electio valida erit si electus obtineat saltem se- ptem vota.

VI. Extra formam compromissi, iuxta cap. Cum in iure electum consentendo electioni de se factae a media parte eligentium non augere numerum neque electionem per- ficere.