7 6 CARTHAGINEN.

Disceptatio Synoptica

Hisce ex actorum fasciculo depromtis, nonnulla in men- tem revocata fuerunt quae ad ius pertinent. Atque in primis ex cap. 1 sess. 5 Be inst. lect. S. Scrip. in Conc. Trid. haec statuta reperiri : « Docentes vero ipsam s. Scripturam, dum publice in scholis docuerint, et scholares, qui in ipsis scholis student, privilegiis omnibus de perceptione fructuum prae- bendarum et beneficiorum suorum in absentia a iure communi concessis plene gaudeant et fruantur. »

Quorum verborum duplex possibilis videbatur interpreta- tio. Nam cum Concilium dixisset privilegiis omnibus de per- ceptione fructuum praebendarum... plene gaudeant, haud temerarium erat coniicere, docentes s. Scripturam, et hos inter canonicum theologum vindicare legitime sibi posse ne- dum fructus, qui stricte praebendales, sed etiam qui acces- sorie praebendales vocari possunt, nimirum distributiones.

Verum aliud prorsus S. C. C. censuit. Nam primis post Concilium temporibus S. C. C. rigidiori interpretationi ad- haerens, passim constanterque respondit, canonicum theolo- gum, quotidianas distributiones non lucrari, quoties divinis non intersit ; Cfr. Petra in Commen. ad const. Innocentii V n. 53 et Fagnanus in cap. Licet De praebend. n. 116.

Nisi quod serius, ut refert idem Card. Petra, recurrente canonico theologo Eginattensis ecclesiae, an per horas qui- bus legit quotidianas distributiones lucrari posset, S. C. C. iterum consulendo censuit : « Distributiones quidem-non de- beri, sed agendum cum SSmo pro gratia. > - Quapropter ad Gregorium XIII re delata, tunc primum ex huius Pontificis oraculo statutum est, ut canonicus theologus distributiones, licet absens, lucraretur tota die qua legit. Res tamen gra- tiae ab initio erat : unde S. C. C. rescribere consuescebat, uti in Tropien. 9 Maii 1597 : « Auctoritate sibi tributa S. C. indulget^ ut eo die quo theologus sacram legit scri- pturam ex munere sui officii, ad praescriptum Concilii, per- cipere possit distributiones quotidianas, quamvis divinis non