76 EX S. DATARIA. APOSTOLICA

consentit ad praesens. Cum enim tam dictus Orator quam dicta Ora- trix iura praetendant in Principatum... certe legitime possessum ab Oratricis patre, ne huiusmodi Principatus.... eiusque bona ad alienam transeant familiam, cupiunt propterea Oratores praedicti, qui de vere nobili genere procreati existunt, et qui catholicae fidei cultores vere existunt, et sub obedientia Sanctae Romanae Ecclesiae vivunt, vivere- que et mori intendunt, invicem matrimonialiter copulari. Sed, stante impedimento huiusmodi, desiderium eorum hac in parte adimplere non possunt absque Sedis Apostolicae dispensatione. Supplicant igitur hu- militer S. Y. Oratores praefati, quatenus Oratorem raptorem in utro- que foro Apostolica Auctoritate absolvere, ac cum eisdem Oratoribus, quod impedimento Primi et Secundi ex praemissis provenientium Con- sanguinitatis graduum huiusmodi, ac aliis, bona fide, forsan reticitis, ceterisque contrariis quibuscumque non obstantibus, matrimonium in- ter se publice, servata forma Concilii Tridentini, contrahere libere et licite valeant, dispensare, dignemini de gratia speciali, cum clausulis opportunis.

CONCESSUM UT PETITUR VIGORE FACULTATUM :

Cum absolutione a censuris ad effectum praesentis gratiae conse- quendae. Et, de dispensatione, aliisque praemissis, ut supra, latius ex- tendendis, quod necessariorum maior ac verior specificatio et expres- sio fieri possit in Litteris, per Breve S. S. expediendis. Et committa- tur Ordinario Mokilovien., qui vetito omnino ne quid muneris aut prae- mii exigere, aut oblatum recipere praesumpserit, de praemissis se di- ligenter informet ; et, si vera sint exposita, et si Oratores praefati ca- tholicae fidei cultores vere existant, et sub obedientia -Sanctae Roma- nae Ecclesiae vivant vivereque et mori intendant, et si dicta Oratrix, a praefato Oratore separata, ac in loco tuto et libero constituta eun- dem Oratorem in virum habere consentiat ad praesens, ut praefertur, imposita praedicto Oratori propter raptum hunc poenitentia salutari, eum a praefato delicto absolvat, et cum eisdem Oratoribus dispenset, ut supra.

Datum Romae in Apostolica Dataria, die mense anno

C. P.-D.