77. In Purificatione BMV.

1. Sol de stella purissima,
Stilla mellis dulcissima
Ex regali progenie
Processit matre virgine.

2. Homo Deus, Christus Iesus,
A prophetis propbetatus,
A regibus adoratus
Cum Maria matre eius.

3. Profert rubus virens rogum,
Virgultum marcidum fructum,
Siccum vellus undam mundam,
Porta semper clausa viam,

4. Stella matutina solem,
Maria praeclara prolem,
Virgo excellentissima,
Super omnes sanctissima.

5. Iesu clemens, matrem audi,
Mater bona, nos exaudi.
Potes enim ut regina
Caeli pandere limina.

6. Templum munda tu intrasti,
Deum patrem tu placasti,
Mundum clare illustrasti,
Dum obtulisti filium.

7. Florens rosa cum lilio,
Virgo mater cum filio,
Serva nos in exsilio
Vitiorum a lolio.

8. Gloria tibi. Domine,
Qui natus es de virgine,
Cum patre et sancto spiritu
In sempiterna saecula.