71. De Beata Maria V.

1. O quantum sollicitor
Et curis suppeditor,
Dum corde transmeditor

Praesens et futurum ;
Praesens et praeteritum
Vergunt in interitum,
Talem habet exitum

Humana natura.
O qui intellegeret

Mortem, quam sit dura,
Et finem prospiceret,
In timore viveret,
Voveret et redderet

Deo sua iura.

2. Cunctis, quibus milito,
Diebus in proposito
Sum, quod velim subito

Aut cras emendari ;
Cras ut corvus crocito
Et cras idem appeto,
Volo, sed non quaerito

A sorde mundari.
Lingua, sed non ratio

Spondet haud peccare,
Sed nec satisfacio,
Sed, [si] venit unctio,
Tunc venit compunctio

Vix passu salutari.

3. Vae vobis presbyteris,
Qui estis [in] literis
Testamenti veteris

Et novi doctores
Praestatuti ceteris,
Obstructores aetberis,
Indiscreti oneris

Estis inianctores;
Cathedrae recubitus

Primos adamatis,
Si sit [vobis] subditus,
Commissus divinitus,
Grex salvus vel perditus,

Minime curatis.

4. Quid de vulgo proferam?
Nunquam eius sufferam
Ita, quod non efferam

Miras falsitates,
Cuius lingua fiorida,
Acta vero sordida
Et corda sunt perfida

Per subtilitates,
Traditur sophistice

Nec est, ut apparet,
Doctrinae catholicae
Iam factae sunt pseusticae,
Si quis vivit deice,

Mundi laude caret.

5. Adiuva nos, Domine,
Qui passus es pro homine,
Ut in tuo nomine

Semper gloriemur ;
Maria, humilium
Et spes, salus omnium,
Tu pro nobis filium

Ora, ut salvemur.
Audi nos, nam te filius

Nil negans honorat;
Salva nos celerius,
Christe, sis propitius,
Pro quibus te dulcius

Virgo mater orat.