QUAESTIO I.

Utrum Beata Virgo fuerit concepta in originali peccato ?

Alensis 3. p. q. 9. ro. 1. et m. 2.art. 2. D. Thom. 3. p. q. 27. art. 2. eli. 2. q. 81. art. 3. et hic q. 1. art. 1. D. Ronavent. p.1. art. q. 2. Richard. art. 1. q. 2. Henric. quodlib. 15q. 13. Aureol. art. 1. et 4 Occham hic. Mayron.Bassol. Rubion. Marsil. 3. q. 4. Suar. 3. p. tom, 2. disp. 2. sect. 5 . Valentia tom. 4. disp. 2. q. 1. et 2. punct. 2. Cord. lib. 1. q. 44. Vasq. 3. p. disp. 117. Amb. Cathar. opusc. de Conceptione. Cajet. opusc. de eadem. Viguer. cap. 18. sig. 6. Vega 2. in Trid. cap. 6. Bellarm. lib. 4. de amiss. gratiae, a cap. 15. Canisius lib. 1. de Deipara. et tale et nuperrime P. Aegidius de Praesentat. Augustinianus in Conimbric. Academia sacroe Theol. professor primarius integro volumine de hac controversia. Mayronius hic q. 2. Dur. hic Baccon. hic. q. 3. Thom. de Argentina hic. Almain. hic.

Circa primum quod sic : In Adam omnes peccaverunt. Rom. 5. non nisi quia fuerunt in eo secundum rationem seminalem, ita fuit in eo Beata Virgo ; igitur, etc.

Item Damascenus cap. 10. et 48. Spiritus sanctus purgavit eam ; purgatio non est nisi a peccato, igitur habuit peccatum, non actuale igitur, etc.

Item, Augustinus de Fide ad Petrum : Firmissime tene et nullatenus dubites, omnem hominem, qui per concubitum viri et mulieris concipitur, cum peccato originali nasci.

Item, idem super illud Joannis : Ecce agnus Dei, etc. Solus innocens, quia non sic venit, scilicet secundum communem propagationem. Item Leo Papa in sermone de Nativitate Domini: sicut a reatu nullum liberum reperit, ita pro liberandis omnibus venit ; igitur, etc. Item Hieronymus super illud Psalmi : Et de manu canis unicam meam, videtur idem dicere. Item de cons. dist. 2. cap. 1. ibi: Nativitas in gloria. Item Bernardus de conceptu ejus dicit, quod fuit in peccato originali concepta. Item Anselmus 2. Cur Deus homo cap. 16. Item hoc idem vult Bernardus in quadam epistola, et probat, quia non fuit sanctificata ante conceptum, patet ; nec in conceptu, quia ibi fuit libido.

Contra, Augustinus de natura et gratia circa medium, et ponitur in littera cap. 3. Cum de peccatis agitur, de Maria nullam prorsus volo habere quaestionem. Et Anselmus de Conceptu virginali. cap. 18. Decuit ut ea puritate virgo niteret,

qua major sub Deo nequit intelligi, posset autem intelligi pura innocentia sub Deo qualis fuit in Christo ; igitur, etc.