Appendix L 77

institutionem canonicam dabit iuxta formas, relate ad Gallias, ante regiminis commutationem statutas.

V. Item Consul primus ad Episcopales sedes, quae in po- sterum vacaverint, novos Antistites nominabit, iisque, ut in articulo praecedenti constitutum est, Apostolica Sedes cano- nicam dabit institutionem.

VI. Episcopi, antequam munus suum gerendum susci- piant, coram primo Consule iuramentum fidelitatis emittent, quod erat in more ante regiminis commutationem, sequen- tibus verbis expressum:

« Ego iuro et promitto ad Sancta Dei Evangelia, obe- « dientiam et fidelitatem Gubernio per Constitutionem Gal- « licanae Reipublicae statuto. Item, promitto me nullam com- « municationem habiturum, nulli consilio interfuturum, nul- « Iamque suspectam unionem neque intra, neque extra con- « servaturum, quae tranquillitati publicae noceat; et si tam « in dioecesi mea quam alibi, noverim aliquid in Status da- < mnum tractari, Gubernio manifestabo ».

VII. Ecclesiastici secundi ordinis idem iuramentum emit- tent coram auctoritatibus civilibus a Gallicano Gubernio de- signatis.

VIII. Post divina officia, in omnibus catholicis Galliae templis, sic orabitur:

Domine, salvam fac Rempublicam; Domine, salvos fac Cónsules.

IX. Episcopi, in sua quisque dioecesi, novas paroecias circumscribent; quae circumscriptio suum non sortietur effe- ctum nisi postquam Gubernii consensus accesserit.

X. Item Episcopi ad paroecias nominabunt; nec personas seligent nisi Gubernio acceptas.

XI. Poterunt iidem Episcopi habere unum capitulum in cathedrali ecclesia, atque unum seminarium in sua quisque dioecesi, sine dotationis obligatione ex parte Gubernii.