74. De [XII] Gaudiis BMV.

1 a. Gaude, virgo, mater Christi,
Quae per aurem concepisti
Gabriele nuntio.

1b. Gaude, quae a Deo plena
Peperisti sine poena
Cum pudoris lilio.

2 a. Gau de, quaepostipsumscandis,
Et est honor tibi grandis
In caeli palatio.

2 b. Gaude, quam laus tollit dives
Super omnes caeli cives
Singulari merito.

3 a. Gaude, decor lucis, polum
Ornans, ut diem et solum
Sol illustrat radio.

3 b. Gaude, tibi caeli coetus
Paret, ut reginam laetus
Te colens obsequio.

4 a. Gaude, quod vis, sibi placet,
Apud Christum tibi iacet
Frequens exauditio.

4b. Gaude, Deus te colentes
Hic et in futuro mentes
Digno ditat praemio.

5 a. Gaude, quae approximaris
Trinitati, trabearis
Claro carnis pallio.

5 b. Gaude, semper gavisura,
His in caelis fruitura
Omni procul termino.

6 a. Gaude, quia tui nati,

Quem dolebas mortem pati,
Fulget resurrectio.

6 b. Gaude Christo ascendente,
Qui in caelum te vidente
Motu fertur proprio.

7 a. Quae mundi es reparatrix,
Trinitatis inclinatrix
Herbido triclinio,

7 b. Vere patri decens nata,
Flamini sponsa optata,
Mater summo filio.

8 a. Dominatrix supernorum,
Placa regem angelorum,
Ut tuo suffragio

8 b. Eius apad trinitatem
Contemplemur unitatem
In perenni gaudio.