77. De sancto Tito.

In 1. Vesperis.

Antiphonae .

1. Claret dies praecipua,

Qua tecum, summe Deus,

Gaudet in caeli curia

Titus pater, Creteus.

2. Tanti patris magnifica

Sonet fides natorum,

Quibus in urbe Cretica

Fulget nomen eorum.

3. Sicut a sole radius

Titi claret doctrina,

Qua Cretae laetus populus

Illustratur divina.

4. Hic quasi virens folium

Virtute germinavit,

Ad usque caeli solium

Se tollens elevavit.

5. Terris vivens ut angelus,

Spe firma solidatus,

Adplaudit caeli civibus,

Iam digne laureatus.

R. Solve, plebs Cretica,

Laudes et tura

Resume, cantica

Notaque pura;

V. Pangit angelica

Tito plebs inclita

Sanctorum iura.

Ad Magnificat.

A. Ave, nostrae fidei

Pater gloriose,

Qua sumus idonei,

Suntque gratiosae

Preces almo numini.

Ad Matutinum.

Invitatorium.

Regi regum

iubilemus Domino,

Qui stola gloriae

Beatum hodie

Coronavit

Titum apostolum.

In 1. Nocturno.

Antiphonae.

1. Dies nuntiat diei,

Tito Deus verbum spei

Collatum divinitus.

2. Dei laudem hic in ore

Semper habens cum decore

Docuit sublimius.

3. Verbum bonum eructavit,

Cuius lingua multis favit

Velox sicut calamus.

Responsoria.

1. Caelestis hodie

vitis effronduit,

Cuius in palmite

novus apparuit

Flos pudicitiae;

V. Titum suscipite,

Patrem aspicite,

Qui fidem docuit.

2. Novus emittitur

Ad gentes nuntius,

Verus eligitur

Caelestis baiulus

Verbi prudentiae;

V. Sidus eximium,

Magister gentium

Prolesque Minoae.

8. Eos refrigerii

De caelo mittitur,

Spes desiderii

Gratis amplectitur

In urbe Cretica;

V. Dignum depositum,

Quod ibi positum

Virtute caelica.

In 2. Nocturno.

Antiphonae.

1. Populos Tito subiectos

Verbo donat esse rectos

Christi grata gratia.

2. Sub alarum velamento

Dei tectus in augmento

Lucis fulget gloria.

3. Gaudet Titus et laudatur,

Laus ipsius minus fatur

Digna laude caelica.

In 3. Nocturno.

Antiphonae.

1. Christi nomen invocantes,

Laudem Titi personantes

Exsultemus hodie.

2. Lux est orta iustis Cretae,

Cui semper congaudete

Luci laude praevia.

3. Parans hic directiones

Christi benedictiones

Impetravit populo.

Responsoria.

1. Auri candelabrum

Nitens prudentia,

Christi ventilabrum

Purgans in area

Granum a paleis ;

V. Corruunt idola

Populi subdola

Dediti vitiis.

2. Fulget in tenebris

Mundi lucerna,

Sancti regiminis

Adest pincerna

Patris familias ;

V. Duc ad aeterna

Regna superna,

Fili familias.

In Laudibus.

Antiphonae.

1. Domum tuam, Domine,

Decet sanctitudo,

In qua Titi colitur

Vitae magnitudo.

2. Omnes Cretae populi,

Christo iubilate,

Titi nunc apostoli

Laudes elevate.

3. Sancta patris anima

Repletur pinguedine,

Cor eius et labia

Cantici dulcedine.

4. Benedicant omnium

Regi regum opera,

Qui Titum apostolum

Transduxit ad aethera.

5. In excelsis Dominum

Vocibus laudate,

Titum sed apostolum

Eius adorate.

Per Horas.

Ad Primam.

A. Sicut vas electionis

Sanctus eligitur,

Capax benedictionis

Cretae dirigitur.

Ad Tertiam.

A. Exsultet mundus hodie

Renovatus laetitia,

Dum Titus urbis Creticae

Celsa refulget gloria.

Ad Sextam.

A. Sonet vox gaudii

Voce iustorum

Voxque tripudii,

Laus filiorum.

Ad Nonam.

A. Facti sicut consolati,

Sancto corpore ditati

Laetemur in Domino

Dulci vocis iubilo.