77. De s. Guidone Aquensi.

In 1. Vesperis.
Super Psalmos.

A. Sanctus Guido,

decus Aquensium,
Transit felix

ad caeli solium,
Cujus prece

coctus fidelium
Summi regis

intret in gaudium.

R. Regnum mundi supergressus

Et ejus ornatum,
Regnum caeli jam ingressus

Sibi praeparatum,
Nostros ad se regat gressus

Post hunc incolatum ;
V. Peregre Jacob egressus

Patris ad mandatum
Vidit Deum, sic professus

Vitae caelibatum.

Ad Magnificat.

A. Magnificat

gesta clarissima
Sancti Gui donis

divino cultui
Devotum hodie

praesens collegium,
Cujus sancta

conscendit anima
Sub fine felici

regni perpetui
Cum sanctis patiiae

sublime solium.

Ad Matutinum.
Imitatorium.

Regem sempiternum pronis
mentibus adoremus,

Qui aeterna sanctum Guidonem
coronavit gloria.

In 2. Nocturno.
R esponsoria.

1. Amas Christum, Guido,
Quem colis tota mente,
Mundum istum horrens,
Labe carens, Deo trahente,
Forma gregis, moribus
Et virtutum actibus
Fulges ;

Quem honestavit castitas,
Illuminavit veritas
Et inflammavit caritas ;

V. Annulo sacro signatus est
Et virtute fidei firmatus est.

2. Sancte Guido pretiose,

praesul beatissime,
Qui virtute caritatis

circumfultus undique,
Proprium ab inimicis

protexisti populum,
Funde preces pro devoto

tibi nunc collegio,
V. Ut tuo propitiatus

interventu Dominus
Nos purgatos a peccatis

jungat eaeli civibus.

3. Cum esset in accubitu
Mellifluae dulcedinis,
Arcens potenti spiritu

Pestem carnis et sanguinis,
Bonorum septus ambitu
Sceptrum tenet regiminis ;
V. Pastorali functus officio
Singulari fulsit praeconio.

In 3. Nocturno.
Antiplionae.

1. Cum flore mundum despicis
Cito ruiturum,
Fructum vitae colligis
Semper permansurum.

2. Circa dona uaelestia
Occupatus assidue,
Mellifluis saporibus
Est refectus hodie.
3. Post carnis exitia
Ad caeli palatia
Liber a miseria
Transivit cum gloria.

Responsoria.

1. Fulgentes radii

meritorum praesulis almi
Mundum laetificant,

dant gaudia, tristia curant,
Caelica nunc supra

cui plaudant agmina laeta,
V. Felix angelica

dotatur sorte beata.

2. Lux caecorum, vox mutorum,
Salus infirmantium,
Vas virtutum, decus morum,

Defensor humilium,
Per te nobis rex caelorum
Det caeleste praemium,
V. Ut te duce vera luce
Perfruamur saecula,
Coronari et locari
Possimus cum gloria.
3. Templum fecit templi cultor
Honoris eximii,
Quo completo fine laeto
Cursum hujus saeculi
Consummavit et intravit
In gaudia Domini,
V. Verus bonus summi regis
Pastor et patronus gregis
Cum laude multiplici.

In Laudibus.
Antiphonae.

1. Praesul almus hodie
Decorem indutus
Caelesti dulcedine
Laetatur imbutus.

2. Omnis terra jubilet,
Laeta laudes intonet
Et nobiscum concrepet
Dicens: Alleluja.

3. Ad te de luce, Dominus,
Guido vigilavit,
Deserta mundi fugiens
te solum amavit.

4. Caelum, terra, maria
Deum venerantes
Benedicunt per saecula
Hosanna clamantes.

5. Plebs laudat angelica
In festo Guidonis
Unum in essentia,
Trinum in personis.

Ad Benedictus.

A. Benedictus Dominus,

Qui nos visitavit
Providens hominibus

Pastorem donavit,
Qui lupos ab ovibus

Potenter fugavit,
Nos clamoris vocibus,
Ut cum caeli civibus
Simus in caelestibus,

Sedule vocavit.

In 2. Vesperis.
Ad Magnificat.

A. Inclita sanctissimi

Guidonis sollemnia
Suscipiat alacriter

Pia mater ecclesia ;
Ave, decus Aquensium,
Ave, corona praesulum,
Obtine nobis gaudia,
Quae possides in gloria.