78 PRIVATIONIS PAROECIAE

Ageng seeundo loco speciatim Orator de iniustitia privationis ostendit, si ob delicta quae in iure considerantur privatio facta esset, non fuisse servatos punitionis gradus in iure praescriptos iuxta cap. 6. Sees. 21 de Ref or. ubi statutum est: eos vero, qui turpiter et scandalose vivunt postquam praemoniti fuerint, coer- ceant et castigent; et si adhuc incorrigibiles in sua nequitia per- severent, eos Beneficiis iuxta sacrorum canonum constitutiones privandi habeant facultatem: eandemque dispositionem iugiter fuisse a S. Rota et a S. C. applicatam. Facta itaque hypothesi vera fuisse impacta crimina, cum tamen servati non essent sta- tuti punitionis gradus, eam privationis sententiam irritam fuisse.

Nec damnari tali poena potuise ob leves assertas culpas, cum nemo privandus sit Beneficio, nisi ob gravia crimina, eaque in iure expressa.

Quod si dici velit, privationem eausatam fuisse ex infirma valetudine vel inhabilitate; pariter nec valorem habere latam sententiam, cum per coadiutorem vel per vicarium fuisset pro- spiciendum iuxta Tridentinum in dicto cap. 6. -sess. 21, quod ita statuit: Quia illiterati et imperiti parochialium ecclesiarum Re- ctores sacris minus apti sunt officiis, et alii propter eorum vitae turpitudinem potius destruunt quam aedificant, Episcopi, etiam tanquam Apostolicae Sedis delegati, eisdem illiteratis et imperitis, si alias honestae vitae sint, coadiutores aut vicarios pro tempore deputare, partemque eisdem pro sufficienti victus assignare vel aliter providere possint.

Verum adserta crimina leviores culpas et Parochi inhabili- tatem falso afferri contendit.

Imperitum et inhabilem eum dici non posse, qui cum laude studiorum curriculo peracto, per septem et viginti annorum spa- tium tot in locis versatus esset curam animarum exercens.

Leviores culpas vel non exstare, vel eiusmodi esse, ut facile veniam mererentur, dum homines etiam piissimi in illas possint incidere.

Ample autem Orator orationem suam aperiebat ad exclu- denda delicta asserta contra honestatem: idque tum in genere ob praeclara testimonia probatorum virorum, tum in specie de singulis accusationibus disserens.