78 Circa eleemosynam secundae Missae

thusen., diei 20 augusti 1768, 'in quibus agitur de iteratione Missae. 1

Sed propius ad rem referebantur Resolutiones S. Con-

gregationis Concilii in Cameracen., Missae pro populo, die 25 septembris 1858, quae declararunt expresse non posse

recipi eleemosynam pro secunda Missa, quas Resolutiones

expedit hic referre, quamquam eas expositas habeas cum qua-

dam Instructione in vol. I, pag. io et seq.

Quaerebatur itaque : « I. An parochus, qui duas parochias

« regit et ideo bis in die celebrat, utrique parochiae suam

« Missam applicare teneatur, non obstante reddituum tenui-

« tate in casu?

« II. An parochus, qui in una eademque parochia bis

« eadem die celebrat, utramque Missam populo sibi commisso

« gratis applicare teneatur in casu?

« III. An Vicarii aut alii Sacerdotes curam animarum non

« habentes, si quando bis in die celebrant, ut fit quandoque

« seu ut numero sufficienti Missae in ecclesia parochiali cele-

« brentur, seu ut hospitalia, carceres, sanctimonialium conven-

« tus Missa non careant, secundam et ipsi Missam populo

« gratis applicare teneantur in casu ».

Sacra Congregatio rescripsit:

Ad I. Affirmative. Ad II. Negative, firma prohibitione recipiendi eleemosynam

pro secunda Missa. Ad III. Negative, quatenus curam animarum non habeant,

firma semper prohibitione recipiendi eleemosynam pro secunda Missa.

Eiusmodi declarationes confirmationem habuerunt in alia

causa Salamantina, 22 februarii 1861, in qua ad secundum dubium quaerebatur: « An parochus necessario debeat illam

« secundam Missam applicare pro populo sicuti primam, vel

« liberam retineat illius applicationem cum stipendio in casu » :

1 De his vigentis iuris capitibus plura habes in causis alias expositis singillatim de his agentibus; confer Vol. I, pag. 7 et 50, 389.