78 NULLIUS S. MARTINI IN MONTE PANNONIAE

Iamvero quaelibet ex his causis sufficit, iuxta commu- nem DD. sententiam, ad dispensationem concedendam; De Iu- stis II, X, n. 21-34; Schmalzg. IV, XIX, n. 53 seq.; Gasparri II, n. 1081. Demum dictis causis accedit, ad in- star causae impulsivae, mutuus coniugum consensus, pluries et firmiter expressus, quo interveniente facilius dispensatio concedi solet, Consc. de separ. tori III, II, n. 97 ; Sánchez I. Il, d. XVI; et praxis constans S. C. C. et S. Off.

ANIMADVERSIONES DEFENSORIS MATRIMONII E X OFFICIO . Ver- tente anno 1895, mensis Iunii die 29 Michael, in aetate annorum 42 constitutus, viduus ac triplici prole oneratus, Elisabetham, 21 annos natam, in primo et secundo lineae collateralis gradibus sibi affinem, quippe quae a praemortuae uxoris fratre genita est, apostolica dispensatione desuper ob- tenta uxorem duxit.

Sed tertio ab initis nuptiis die Elisabeth post coenam, insalutato viro, fugam a maritali domo arripuit. Et con- iuges iam toti in eo sunt, ut astruant uxorem prohibuisse quominus consummare tur matrimonium.

Intercedit quidem specimen ab Obstetricibus in corpore mulieris peractum, at hoc experimentum absolutum non est ad iuris amussim.

Enimvero, quod hanc spectat causam non tres, sed duae tantum mulieris corpus obstetrices recognoverunt, et una contenta factu, cunnum visu non exploravit. Neutra autem, quemadmodum optime advertit lectissimus consultor, scri- ptis relationem amandavit. Huc accedit ut res sit de hymene imperfecto.

In coniugum vero iuramento quantumvis testimonio se- ptimae manus munito, fidendum non est. Ea namque est hu- mana fragilitas, ut homines passim studio veritatis sua prae- ferant commoda.

Quod et praesenti in causa contingit. Speciminis ergo : Elisabeth contendens se Michaeli nupsisse impellente patre, intrepide iurat : « Dixit (pater) me etiam exhaeredem factu- rum, si non obedio ». Elisabethae pater aeque iurat non mi-