75. Kyrie qui Katherinae.
De sancta Katharina.

1.

a. Kyrie, qui Katherinae
Virginis regiae
Atque victricis egregiae,
eleison.

b. Kyrie, qui Katherinae
Dedisti hodie
Castam gloriam victoriae,
eleison.

c. Kyrie, qui Katherinae
Thesaurum divinae
Tradidisti sapientiae,
eleison.

2.

a. Christe Iesu, rex
Katherinae virginis,
per quem regia
virgo vicit regem Maxentium
contemnendo deos gentium,
eleison.

b. Christe, divinae
dator sapientiae,
immo es ipsa
sapientia divina per quam
triumphat sancta Katherina
eleison.

c. Christe saties, amplexator
virginum, qui es Katherinae
praedulcis amator
atque remunerator,
eleison.

3.

a. Kyrie, splendor divine,
qui beatae Katherinae
cor illuminasti,
sacro linguam verbo ditasti,
eleison.

b. Kyrie, oleum fusum,

qui pinguescis cor perfusum,
oleo nos line,

sanctaequi memores Katherinae,
eleison.

c. Kyrie, virtutum amator
Et earum conservator,
Fer opem in fine
Prece sanctissimae Katherinae,
eleison.