Sermo IX .

Item, sermo fratris Bonaventurae in Vigilia Nativitatis Domini coram rege Navarriae et uxore et familia tota.

Sanctificamini hodie; cras enim faciet Dominus inter vos mirabilia, Iosue tertio .

Sanctus Iosue, successor Moysi, in prophetiis divino inspiratus radio in his verbis hortatur populum Dei ad Christi imminentem Nativitatem devotissima praeveniendam et attentissime exspectandam. Primum facit propter solemnitatis sublimem dignitatem; secundum propter mysteriorum sive privilegiorum tantae diei fecunditatem. Propter primam dicit: Sanctificamini hodie; propter secundum dicit: Cras enim faciet Dominus inter vos mirabilia.

I. Si ergo volumus devote praevenire Christi Nativitatem, debemus sanctificari hodie per studium purificationis internae; secundae ad Timotheum secundo : Si quis ergo emundaverit se ab istis, erit vas in honorem sanctificatum et utile Domino, ad omne opus bonum paratum.

Per studium religionis extrinsecas; primi Paralipomenon decimo quinto: Sanctificati sunt ergo sacerdotes et levitae, ut portarent arcam Domini Dei Israel; Ezechielis trigesimo sexto: Cum sanctificatus fuero in v obis coram eis, tollam quippe vos de gentibus et congregabo vos de univ ersis terris et adducam vos in terram vestram.

Per studium meditationis evangelicae; primae Ioannis tertio : Qui habet hanc spem i n eo sanctificat se, sicut et ill e sanctus est .

Per studium devotionis gratiae; Exodi vigesimo nono: Mundabis altare et unges illud in sanctificationem.

II. Mirabilia autem facta inter homines in die nativitatis sunt haec: quia Rex regum et Dominus dominantium factus est servus et famulus humilis hominum; Ecclesiastici trigesimo sexto : Innova signa et immuta mirabilia; Psalmus: Mirabilis facta est scientia tua ex me.

Deus gloriosissimus, habitans in fastigio Maiestatis, habitavit in praesepio vilitatis; I eremiae quinto: Stupor et mirabilia facta sunt in terra.

Deus, Angelorum desiderium, factus est pastorum spectaculum; Psalmus: Tu es Deus, qui facis mirabilia; nolam fecisti in populis virtutem tuam.

Deus, universorum Creator, factus est animalium associator; Tobiae duodecimo: Vos benedicite Deum et narrate omnia mirabilia eius.

Deus intensissimus factus est Agnus mund issi mus; Psalmus : Cantate Domino canticum novum, quia mirabilia fecit.

Unigenitus Filius, qui est in sinu Patris, factus est primogenitus Virginis Matris; Esther decimo quinto: Valde mirabilis es, Domine, et facies tua plena est gratiarum.

Deus copiosissimus inventus est panniculis pauperrimis invol utus; Ioelis secundo: Laudabitis nomen Domini Dei vestri, qui fecit mirabilia vobiscum.