8 0 Circa eleemosynam secundae Missae

< et alteram de die si necesse fuerit. Qui vero pro pecuniis « aut adulationibus (alias oblationibus) saecularium una die « praesumunt plures facere Missas, non aestimo evadere dam- « natiofiem ».

Ex quo ss. canonum interpretes et Bened. X I V in Con-

stitutione Declarasti nobis, § excepta, et Card. Zelada /. c. § 6, 7, 8, inferre veram rationem, cur sacerdotibus prohibita

sit Missae iteratio, esse ut sordidi lucri et quaestus periculum

averteretur.

Cum itaque haec sit ratio prohibitionis iterationis Missae

iuxta ss. canones, inferebatur ulterius hanc quoque esse ratio-

nem, quoties permittenda sit secundae Missae celebratio, ut

eleemosynae perceptio districte prohiberetur.

De hac tamen prohibitionis ratione in relationibus seu

Foliis, ut audiunt, causarum, quae recentius disceptatae sunt

super Missae iteratione, nullum verbum reperiri; 1 immo neque

Benedictum X I V in Const. Declarasti, de huiusmodi prohibi- tione recipiendi eleemosynae aliquid innuisse vel meminisse.

D e hac tamen locutum esse in Constitutione, quae incipit Quod expensis, diei 2 1 augusti 1748, qua Hispaniarum et Portu- galliae sacerdotibus tres Missas die omnium defunctorum cele-

brare concessit.

Sane in ea Constitutione ^fQuam vero, memorat Pontifex, studium impensissime a se adhibitum semper fuisse, ut a cele-

bratione Missae omnis avaritiae species omnisque sordidi lucri

captandi praetextus arceretur. Subinde § Ut autem, diserte monet, sese, dum facultatem memoratis presbyteris secundam

ac tertiam Missam die omnium defunctorum celebrandi indulsit,

non alia de causa prohibitionem stipendii recipiendi adiecisse,

1 Hoc tamen mirum esse non debet, quum in Foliis, quae S. Congre- gationi proponuntur ex officio concinnatis non semper rationes continentur propter quas S. Congregatio ita iudicet; namque causae a S. Congrega- tione disceptantur, et non raro prodit Resolutio, quae innititur aliis ratio- nibus et motivis, quae in dictis Foliis non considerata sunt. Suas autem decidendi rationes S. Congregatio dare non solet. Cf. quae scripsi in vol. I, pag. 192.