80 CARTHAGINEN.

a capitularibus distributionum privatione idcirco mulctari. Punctum igitur quaestionis in Piacentina paulum esse a r e nostra diversum videtur.

Unde tandem nisi pro principio et regula iuris ponatur, theologum distributiones lucrari omnimodo absoluteque non posse, quoties certum stipendium ob magisterii munus ipse assequatur, uno verbo, nisi retineatur incompatibilia prorsus esse haec duo, videlicet distributionum acquisitionem, certam- que, scholae causa, retributionem, profecto contentio capituli in themate non videtur valida neque admissibilis.

Huc autem quaestione perducta, non ideo tamen liquet. Nam licet in thesauro resolutionum S. C. C. exempla dili- genter conquisita fuerint, nullum tamen inventum est, quod praesenti controversiae aptari ad unguem possit. Nec, prae- scindendo ab exemplis, iuridica ratio tam obvia datur, aut certa iurisprudentiae regula tam cito occurrit, quae in alte- rutram partem iudicium praevalenter impellat. Nam ex una parte odiosum valde et ab aequitate alienum videtur suspi- ciose in dies scrutari utrum theologus ob magisterii munus aliquam, etiam ultro datam largitionem scholae causa obti- neat, eoque constito, distributionum dispendio eumdem sta- tim mulctare, quasi si incapax esset acquirendi, et absolute a quacumque etiam sub donationis aut gratificationis titulo, retributione assequenda prohibitus. At ex altera parte quum exemptio a choro cum distributionum acquisitione data sit theologo quasi ex gratia, atque ex supposito gratuiti magi- sterii; et quum insuper ad peculiarem eius laborem repen- dendum, plerumque et etiam in casu de quo agimus, pin- guiori quam ceteris praebenda ipse donetur, denique quum exemptio a punctaturis strictae interpretationis videatur, eo quod in damnum ceterorum inservientium cedit ; hinc sub hoc aspectu haud iniquum apparet theologum punctaturis subiici, quoties sin minus certo stabilique stipendio pro ma- gisterii munere augeatur. Dixi sin minus : nam, si de in- sueta et omnino extraordinaria largitione ageretur, ad extre- mum illud res urgenda forte non esset.