78. In Epiphania.

1. Gaude, cujus uberibus
Nutritur, qui a regibus
Honoratur tam precibus
Quam mysticis muneribus.

2. Da nobis, mater gratiae,
Thus bonae conscientiae
Myrrhamque patientiae
Et aurum sapientiae.

3. Rore coeli nos rigari
Lacrimisque baptizari,
Trinitatem contemplari,
Fac amore debriari.

4. Aquam nostram fac mutari,
Vinum novum nobis dari,
Ut possimus epulari
Sic cum Christo et laetari.