80. De sancto Ianuario.

"Aliud officium".

In 1. Vesperis.

Antiphonae.

1. De torrente in via bibit
Caput exaltans proprium,
Dum furens lictor hoc prae-
cidit
Per passionis gladium.

2. Memoriam cum gaudio
Nobis Christus amabilis

Fecit, in Januario

Inventus admirabilis.
3. Potens in terra cernitur,

Sicut ait psalmista,
Pro Christo dum efficitur

Martyr et agonista.
4. Laudate Christum Dominum,

O pueri cum senibus,
Laudate Januarium

In vespertinis laudibus.

5. Laudate regem omnium,
Omnes gentes et populi,
Invocantes praesidium
Athletae Januarii.

Ad Magnificat.

A. Magnifica, Neapolis,

Christum in Januario,

Quae corpus tanti praesulis
Tuo servas armario,
Coronatur martyrio,

Novis fulgens miraculis

Veneratur a populis,
Caeli translatus gaudio
Ipse nos Dei filio

Votis commendet sedulis.

Ad Matutinum.
Invitatorium.

Surgentem cum victoria
Laudemus Dei filium,

Qui cum triumphi gloria
Coronat Januarium.

Ad Nocturnum.

Antiphonae.

1. Tamquam lignum complantatum
Secus aquas decurrentes
Fructum dedit Deo gratum
Convertendo caecas mentes.

2. Rex et martyr sum a Deo
Super Sion constitutus,
A quo in agone meo
Nunquam fui destitutus.

3. Adversantem sancto tuo
Caecitate percussisti,
Ursos a furore suo
Velut agnos effecisti.

Responsoria.

1. Ante tribunal praesidis

Nolam deductus pontifex
Fide nunquam turbatur,
Mandat ministris perfidis
Furens vesanus carnifex,
Quod fornax succendatur ;

V. Igne manens ut in rore
Sacro Christum laudat ore
Confessor invictissimus.

2. Danieli fit similis,

Dum pro zelo justitiae
Pastor ursis exponitur,
Probatur admirabilis
Virtus suae constantiae,
Cum a feris non laeditur ;
V. Intrat, adstat intrepidus
Athleta fide fervidus,
Scuto protectus fidei.
3. Certamen init nltimum

Crucem in fronte perferens
Summi regis vexillifcr,
In Christo firmat animum
Lictori caput offerens,
Coronandus perenniter.
V. Carnis spernit interitum,
Deo commendans spiritum
Athleta constantissimus.

In Laudibus.
Antiphonae.

1. Parata Januario

Sedes est in excelso,
Mortem pro Dei filio
Incunctanter amplexo.
2. Jubilate Deo, populi,
In exsultationes,
Jubilate tanto praesuli
In matutinis laudibus.
3. Sitivit mens et anima

Ad Deum vivum jugiter,
Caro tulit certamina
Afflicta multipliciter.
4. In fornace laudat Deum
More trium puerorum,
Ardor non contingit eum,
Turbae stupent populorum.
5. Christum Dominum de caelis
Mente laudemus humili,
Qui virtutem Danielis
Dat inter ursos praesuli.

Ad Benedictus.

A. Benedictus

pater cum filio,
Benedictus

sit sanctus spiritus,
Benedictus

martyr in proelio,
In quo factus

est victor inclitus ;
Vicit carnem,

vicit diabolum,
Vicit dura

tormenta praesidis,
Praeses spernens

pro Christo saeculum

Coronatur

gemmis praefulgidis.

In 2. Vesperis.
Ad Magnificat.

A. Magnam fecit potentiam

Deus in Januario,
Timothei dementiam

Forti disperdens brachio,
Superbientem deicit

Cruciandum in inferis,
Sanctum ad caelos provehit

Coronandum in superis.