QUAESTIO II.

Utrum ens et unum significent eamdem naturam ?

Arist. hic 2. et 5. et lib. 5. c. 6. text. 11. et lib. 10. c. 1. Avicen. 3. Met. c. 2. et lib. 7. c. 1. D. Thom. hic lect. 2. Ant. Anelr. hic g. 3 Capr. in 1. diu. 24. g. 1. art. 1. Durand. ibid. q. 1. et 2. Gabriel q. 1. art. 3. dub. 3. Greg. q. 1. art. 1. Henr. quodlib. 1 . q.I. Fons. c. 2. q. 5. Vide Scotum in 2. dist. 3. q. 2.

Quod non, quia tunc hoc esset unum, tantum unum est ens; consequens est falsum, ergo et antecedens. Consequentis falsitas patet per Philosophum 1. Physic. text. c.6. et infra, quia improbat Parmenidem, qui ponit tantum unum esse. Consequentia patet, quia quando aliquid praedicatur de aliquo convertibiliter, praedicatur de eo cum dictione exclusiva. Respondetur, quod Parmenides concessit tantum unum determinatum, contra quod arguit Philosophus. Contra, sequitur : Tantum unum; ergo tantum hoc unum. Probatio, antecedens infert affirmativam exponentem consequentis, et negativa exponens antecedentis, negativam consequentis. Probatio primi, tantum unum est ens, ergo omne ens est unum. Ultra, ergo hoc ens est unum, ultra converte; ergo hoc unum est ens. Probatio secundi, sequitur : Nihil aliud abuno ; ergo nihil aliud ab hoc uno. Probatio, quia ex universali affirmativa sequitur singularis affirmativa sic: Omne aliud ab uno; ergo omne aliud ab hoc uno. Probatio, singulares primae inferunt singulares secundae, sequitur ergo hoc aliud ab uno: ergo hoc aliud ab hoc uno et illud, et sic de aliis: ergo prima universalis infert secundam, et tunc ut prius. Item, dividens non significat eamdem naturam cum diviso, unum dividit ens. Probatio primi, si sic, tunc condividens ex quo opponitur condividenti esset non ens, et ita non diceret ens. Item, cujus omnes species sunt determinati generis, ipsum est determinati generis, sed omnes species unius, idem, simile, et aequale sunt in genere relationis: ergo, etc. In oppositum est Philosophus 4.

hujus, text. comm. 3. ens homo, et homo et unus homo, idem significant. Probatio, quia non separantur in generatione et corruptione. Item, ens et unum praedicant essentiam cujuslibet; ergo significant idem. Consequentiam probat Commentator comm. 3. hujus cap. 1.