8. Romàna Rota

« sacramenta suscipiant, aut alias utiliori modo, prout qualitas loci « exiget, provideat ». In citata saepius causa Sedunen. eadem libertas seu facultas ab episcopo concessa fuerat incolis pagi Biedermatten decreto diei 18 martii 1809 ad vitandas discordias: sed observatum fuit non posse cumulari iurisdictionem duorum parochorum in idem territorium, quia fines paroeciales debent esse certi et determinati. Unde inducta ab episcopo licentia et libertas fuit revocata et reiecta, salva tamen ere- ctione novae paroeciae cum designatis limitibus.

Altera quaestio contenta secundo dubio respicit indemnitatem eccle- siae matricis eiusque rectoris ex facta dismembratione. Damna vero in casu derivantur ex diminutione reditus seu oblationum illorum qui ad novam paroeciam transierunt: et hinc impotentia illius ad dimittendum aes alienum contractum sive pro readificatione ecclesiae sive pro con- structione scholae S. Eduardi, quae ex facta dismembratione pertinet ad novam erectam paroeciam. Ad amovendam hanc in praxi aliquan- tisper implexam difficultatem Patres Domini prae oculis sequentia habuerunt principia. In primis adverterunt quod paroeciae dismembratio ex se ipsa aliquod damnum semper importat ecclesiae veteri seu matrici: sed discrimen est inter veras parochias, et ad instar seu missiones. In illis rectori matricis semper remanere debet sufficiens congrua pro eiusdem substentatione, in his rector alitur ex fidelium oblationibus, quae natura sua sunt variabiles.

Secundo in onerum reparatione inter veterem et novam parochiam hoc aequitatis principium recipiendum esse duxerunt, quod ea distri- buantur iuxta relativum commodum: oneri enim par esse debet com- modum seu utilitas ut ipsa aequitas naturalis suadet, leg. secundum naturam ff. de reg. Iur. et cap. qui sentit eod. tit. in 6. card. Mantica de tac. et ambig. convent.: lib. % tit. 4, n. 82: ex invocata regula affir- mativa nempe « qui sentit commodum etiam onus sentire debet » sequi- tur etiam inversa regula negativa, quod qui non sentit commodum, neque onus sentire debet, ut explicat Reiffenstuel in declaratione citatae regulae 55 in 6. -

Hoc statuto criterio, nunc expendendum est, quotum sit aes alienum quod gravat ecclesiam matricem B. M. V. du Lac in veteri paroecia, et quotum illud quod afficit scholam S. Eduardi, quae ex facta dismem- bratione adiudicata fuit novae paroeciae S. Annae erectae in oppido Walkerville. iam vero in summ, novissimo pro parocho, n. 1, haec haben- tur. « Nous... avons examiné consciencieusement, quelles étaient les « dettes de l'église de Notre-Dame du Lac (seu duos dies ante editum « dismembrationis decretum) et avons constaté, que la dette était de

ACTA, vo l . VII, n. 3. - 8-2-915. 6