78. De Beata Maria V.

1 a. Laudes virginis
De stirpe psallite
Davidica concorditer
Mentis devotione.

1b. Superni roris

Hanc fecundaverat
Gratia, sancti spiritus
Numen obumbraverat.

2 a. Haec est domicilium,
In quo suum filium
Lapsis in auxilium
Summa deitas
Servi habitum
Induere constituit ;
O mira Dei humilitas !

2b. Propter opus artifex,
Propter plasma opifex,
Factura fit, qui fecerat ;
Ens, quod fuerat,
Deus (cum) homine
Unitus est in virgine ;
O creatoris benignitas !

3 a. Beata, cuius viscera
Iustitiae solem
Divinamque sobolem
Baiularunt ;
Quia genuit
Et non doluit,
Quae genetrix
Et virgo fuit.

3 b. Caelesti germine
Feta sine semine,
Maria, de turbine
Procelloso
Maris naufragos
Tuo (cum) lumine
Duc ad portum,
Plena numine.

4 a. Per Evam perdita
Fuerant condita,
Sed per te (nunc) est reddita
Exsuli patria ;
Nobis vitae atria
Tu resera,
(O) peccatorum spes, Maria.

4 b. Ave, flos et [a Vae]
Assylum suave,
Gemma pudicitiae
Thronusque gratiae,
Reis, regina curiae,
Concilia
Regem misericordiae.

5 a. Mundi lux et domina,
Coetus tui precamina
Audi benignissima,
Stella serenissima,
Radix Iesse clarissima
Matrumque gloriosissima.

5 b. Nos hac de lacrimosa

Valle post mortem translato s,
[Virgo] dulcis, gaudii
Veri fac tripudii
Comparticipes fieri
(Et) coheredes tui filii.

6. Rex regnm optime,
Prece matris tuae
Leviathan de fauce
Anguis nos extrahe
Tuamque cernere
Faciem des in Sion,
Qui es David et Salomon.