76. "Mutetum de beata Virgine".

Imperatrix supernorum

Civium,
Consolatrix miserorum

Et gaudium,

Verum lumen cordium,
Vitae datrix,
Mediatrix,

Hominum,
Exoratrix

Sis pro nobis ad Dominum,
Per te mors destruitur,
Per te vita redditur;

Mortem nostram destrue,

Vitam nobis tribue.
Tu nostrum refugium,

O Maria,
Nobis fer auxilium,

Virgo pia,
O splendor gloriae,
O lux ecclesiae,

Nos te laudantes,

Nos exsultantes
Tuis laudibus,
Iunge caeli civibus.