81. De sancto Imerio.

In 1. Vesperis.
Antiphonae.

1. Psallat hac sincerius
Die plebs fidelis,
Qua pater Imerius
Natus est in caelis.
2. Dum esset in corpore,
Christum est secutus,
In primaevo tempore
Sacris institutus.
3. Quamquam tractus gesserit
Praesulatus curam,
Nunquam tamen deserit
Mentem Deo puram.
4. Mundum a contagio
Mundi se servavit
Et caeli collegio
Sese coaptavit.
5. Carnis clausus carcere
Dissolvi cupivit
Et cum Christo vivere,
Cum quo modo vivit.

Ad Magnificat.

Magnificat Imerium
Lux verae sapientiae,

Decor virtutum omnium,
Thesaurus Christi gratiae.

In 1. Nocturno.

Antiplionae.

1. Inclitus Imerius
Parvulus aetate
Vir erat jam validus
Mentis probitate.
2. Natus ex Abruzzia
Fuit hic beatus,
Puritatis gratia
Digne sic vocatus.
3. Christi famulatui
Totus inhaerebat
Et doctrinae cultui
Vigil intendebat.

Responsoria.

1. Superno docta lumine
Cremona dirigatur,

Cordis absque velamine
Christo confiteatur,

Per quem tanto munimine
Protectus roboratur.

V. Almi patris Imerii,
Confessoris egregii,
Dum honore dicatur.
2. Ab aetatis

primae cunabulis
Literarum

imbutus studiis,
Dat se sacris

totum oraculis,
Voluptatis
liber a vitiis,
V. Mundi pompas
vitans attentius
Homo Dei

sanctus Imerius.
3. Beatus vir Imerius,
Serviret ut liberius
Deo majori vita,
Maris in quadam insula
Per annorum curricula
Vixit anachorita,
V. Ubi cordis in gaudio
Angelico tripudio
Proficiebat ita.

In 2. Nocturno.
Antiphonae.
1. Imerius rem nomini,

Quod purus explanatur,
Jungens antistes Domini
Pure conversabatur.

2. Quidquid habere potuit
Humanae facultatis,
Pauperibus distribuit
Amator paupertatis.
3. In praedicandi gratia
Vir sanctus eminebat.
Quem virtus et scientia
Perfectum exhibebat.

Responsoria.
1. Utebatur

agresti pabulo
Vir futurus

pastor in populo,
Crucifixus

impuro saeculo

Cohaereret

ut Christo sedulo.
V. Caelesti curiae

jungi promeruit,
Qui carnis gloriae
florem exaruit.

2. Ingressus urbem Matiam,
Suo pastore viduam,

Dum precibus instatur,
Plebi per Dei gratiam
Dignus ad sacram infulam

Vir sanctus revelatur ;
V. Sic in domo deifica,
Cunctis ut sit lucifica

Lucerna, sublimatur.
3. Transit tandem

pastor ad pascua
Carnis morte

caeli conspicua.
Jesu pie,

nos per Imerium
In caeleste

duc refectorium;
V. Te cupivit,

dilexit, docuit,
Prosit nobis,

ut tibi placuit.

In 3. Nocturno.

Antiphonae.

1. Condolebat pater
Pressis pauperie
Sicut pia mater
Nati miseriae.
2. Revelatur sancto
Divino spiritu
Hora, qua de mumlo
Migravit obitu.

3. Circa congregatis
Pastorem ovibus
Caeli cum beatis
Triumphat civibus.

Responsoria.
1. O rem dignam, quam fecisti
Sacris, Imeri, laudibus,

Dum Cremonae tribuisti

Te protectorem civibus,
Nobis ergo, praesul Christi,

Tuis succurre precibus ;
V, Tu qui mundo claruisti

Doctrinis et virtutibus,
Adsis, pater, choro isti,

Totis clamant viribus.
2. Felix Brixia,

Quae natum genuit,
Plus tamen Melia,

Quae patrem habuit,
Ad haec per omnia

Cremona floruit,

Quae sanctum tenuit ;
V. Imeri caelice,

Christo nos socia,
Per quem magnifice

Splendet ecclesia.

In Laudibus.
Antiphonae.

1. Laudis Deo sonorius

Plena vox offeratur,
Per quem praesul Imerius

In caelo coronatur.
2. Hic sermone mellifluus

Totum, quod praedicabat,
Primum in se vir strenuus

Exemplo demonstrabat.
3. Almum quisquis hunc adiit

Adversis occupatus,

Ovans adversa rediit
Ad sua consolatus.
4. Divinus per Imerium
Cultus erigebatur,

Et daemonis imperium
Omnino fugabatur.

5. Collaudet omnis spiritus
Hac die sacra Deum,
Qua confessor hic inclitus
Assumptus est ad eum.

Ad. Benedictus.

A. Salve, decus

omnis ecclesiae,
Cremonensis

clara lux patriae,
O confessor

Imeri, gratiae
Intercessor

nobis et veniae.

In 2. Vesperis.

Ad Magnificat.

A. O pastor egregie,

Lucerna decora,
Speculum munditiac,

Vox Christi sonora,
Verae poenitentiae

Spatium implora,
Roganti familiae

Mortis adstans hora.