82 BERGOMEN,

Intrinsece vero inspectum ideo nullum recensendum esse, quia Instituta dioecesana ab Episcopo approbata a parochi iurisdictione nullo pacto exempta evadunt, sed ea dumtaxat Instituta religiosa quae a s. Sede approbata sunt ab huius- modi iurisdictione exempta reperiuntur. Additum quoque fuit grave inconveniens quod ex hoc sequeretur, ut nempe Epi- scopus approbando pium Institutum, duos parochos in eadem parochia constituere valeret, si vi sui decreti partem paro- chianorum respectivo parocho subtrahere posset. Idque eo vel magis in casu, quia non modo Religiosae ursulinae, verum etiam puellae, sive mulieres, institutionis causa cum ipsis degentes, a parochi iurisdictione exemptae fuerunt.

Huic doctrinae conformem esse sententiam Lucii Fer- raris qui voc. Capeltanus Monialium num. 17 quoad mo- niales non exemptas haec habet « Moniales enim non exem- > piae de iure communi sunt Parochis subiectae, ut non » diffitetur ipse Tamburinus, et tradunt Abb. in c. Bile- j> cius n.\17 de statu Monach., Azor. Instit. Moral.part. 1 lib. 13 Cap. 9 quaesit. 4 Pellizar. etc. Si itaque iure communi inspecto, Religiosae ursulinae et puellae cum ipsis degentes parocho subiectaesunt, hae subduci haud pot- erant Episcopi decreto, cum exploratum in iure sit inferio- rem derogare non posse legi superioris ex leg. Inferior. Cui concinit Benedict. XIV Be Synodo Bioecesana Lib. IX Cap. 1.

Relate vero ad alteram quaestionem, decretum diei 10 Au- gusti 1883 respicientem, hoc nullo pacto sustineri posse vide- tur, quia ad hoc ut valeat concordia seu transactio requiritur ut sit rei dubiae et litis incertae, aliquo dato vel retento, vel promisso leg. 1 ff. de transad. Mantica de tac. et am- big. convent. lib. 26 tit. 1 n. 11, Vinnio de transad, cap. 1 n. 1. Porro cum memorata concordia inita sit super re certa et super iuribus, certo certius parocho competentibus, sponte fluit ipsam nullo pacto sustineri posse. Neque dicas huiusmodi concordiam super re dubia versari, ideoque susti- nendam esse, ex eo quod quaedam iura decreto diei 14 De-