82 TRANEN.

Praeterea, instat patronus hanc restitutionem non ne- gari « quando iudex ex errore vel falsa causa processit, illamque causam exprimat in sententia, huiusmodi sententia non transit in rem iudicatam, sed detecta veritate, semper potest retractari > ; ita Reiffenstuel De sent. et re iud. n. 130.

Neque, notat, tempus delapsum esse utile, quia resti- tutio in integrum intra quadriennium expeti potest.

Meritum quaestionis quod attinet, ait advocatus, duplici capite quaestionem versari : quorum alterum hoc est : utrum Sodalitiorum Templa, quae Trinitapoli sunt, supellectilem sacram praestare teneantur cuilibet Sacerdoti eadem Templa ingredienti, Missam celebratur o, vel non. Alterum autem: utrum Rectoribus vel, uti vocant, Patribus spiritualibus, qui sodalitiis in eadem Urbe praesunt, publicas vel pri- vatas supplicationes, quae tamen sodalitates non respiciunt, celebrare fas sit, invito Cleri Collegio, vel nulla eius invi- tatione facta.

In prima quaestione patronus provocat ad consuetudinem de qua Archiepiscopus dixit : constare de consuetudine im- memorabili qua fit, ut Ecclesiae Sodalitiorum praebuerint omni in aevo, clero Trinitapolis, quidquid opus est ad Sa- crificium Missae litandum, contrarium absonum esset, ut mihi videtur.

Quod litteris suis Archiepiscopus expressit, iam idem declaraverat in quodam Decreto suo edito die 8 Februarii anno 1897 in Sacrae Visitationis actu. Quo decreto illud edixerat, ut in posterum nihil innovetur, sed Sodalitia pro- sequerentur sacram supellectilem praestare iuxta consuetu- dines, donec S. C. O. iudicium suum tulisset.

Recolit orator Benedicti XIV auctoritatem, qui non semel placitis suis sanxit, Praesides Ecclesiarum nullo modo con- tendere posse, ut sacerdotes qui easdem Ecclesias Sacrum celebraturi adeunt, sacram supellectilem secum ferant. Illud tantummodo voluit, ut quoties eaedem Ecclesiae nota ac certa inopia laborent, exiguam taxationem celebrantibus vel offe-