80. In Passione.

1. Filiae Sion, cernite,
Natum meum et plangite,
Qui pro vobis in stipite
Pendet demisso capite.

2. Homo, mihi compatere,
Tam infelici, tam miserae,
Videnti natum deficere
Atroci mortis genere.

3. Prae dolore deficio,
Quod torqueri conspicio
Filium, cujus passio
Est cordi meo scissio.

4. O mater cui viscera

Sputa torquent et verbera,
Probra, clavi, crux, vulnera,
Fel, spinae et mors aspera ;

5. Pro nobis ora filium,
Pro quibus hoc supplicium
Tulit, ut simus civium
Cohaeredes coelestium.