82. De s. Leone Catanensi.

In 1. Vesperis.
Antipnonae.

1. Completis sacris

discessit praesul ab ara
Atque magum retinens
subito conjecit in ignem.

2. Firmatus fidei

scuto simulacra deorum
Vertit et in minimas
confregit singula partes.

3. Jam magicos ritus

Siculis Leo praesul ab oris

Expulit et Christi

docuit celebrare triumphos.
4. Urbs praeclara suo

Oatanensis rite Leoni
Plaudat, ut afflictis

habeat munimina rebus.
5. Clara igitur geminis

nunc urbs fulcitur alumnis,
Inde colens Agathes,

illinc sacra festa Leonis.

Ad Magnificat.

A. Hodie beatus Leo

Post labores et pressuras,
Post mundanae vitae curas
Caelesti sedet solio.

Ad Matutinum.
Imitatorium.

Praesulis alma patris
celebremus festa Leonis,

Qui magicas penitus
delevit providus artes.

Ad Laudes.
Antiphonae.

1. Laetemur omnes in hac die,
Qua beatus praesul Leo

Contemplatur mentis aoie
Junctus trino et uni Deo.

2. Post mundanae vitae curas
Caeli potitur gaudio,
Post labores et pressuras
Veri solis calet radio.

3. Consolator miserorum,
Gregis pastor providus
Levat onere laborum
Cunctos mente fervidus.

4. Migrans ex mundo naufrago
Transivit ad caelestia,
Brevi clausus sarcophago
Reliquit mundi tristia.

5. Nunc in aeternum vivit

Consors caelorum civibus,

Quae nec unquam auris audivit,

Bona tenet cum patribus.

Ad Benedictus.

A. Inclite perpetuis

praesul celebrande trium-
phis,
Nos miseros precibus

commenda rite tonanti,
Ut tandem aethereas
valeamus scandere sedes.