SPONSALIUM 83

Iosephum ei gratias egisse: quoddam singulare prandium factum fuisse ex parte mulieris intuitu matrimonii cum Iosepho.

Alter testis frater Luciae similia enarrans testatus est, An- tonium praesertim a sua familia habitum fuisse ut sponsum Lu- ciae: se Antonio dixisse: tu tandem non eris Luciam uxorem ducturus; et responsum habuisse, se non in conditione reperiri ducendi uxorem, sed id facturum quando reliquisset officium quo fungebatur: ad invicem se eos gessisse tamquam sponsos: testem sponsalia ideo iniisse cum sorore Antonii, quia Antonius Luciae sororis sponsus iam esset.

Alter testis miles, Antonii famulus, deposuit, se tenuisse eos fuisse sponsos : Eos se ad invicem visitasse : quadam die Anto- nium visitasse domum Luciae; et tum Luciam, tum eius ma- trem flentes reperiisse, ac matrem postulasse ab Antonio ut eas inviseret, neque earum oblivisceretur ; atque Antonium respon- disse : hoc negotium si Deus velit confidemus, ego te (Luciam) volui teque accipiam. Item testis deposuit, duobus abhinc annis Anto- nium sibi fateri eam fastidio sibi esse: antea vero dicere, se eam tenere amare.

Alter testis miles ..testatus est praeter alia, se audivisse a sororibus Antonii dicere: eam anum Antonium esse uxorem ducturum.

Viceparochus testatus est, dum Matri Luciae moribundae as- sisteret, Luciam indicantem Antonium sibi dixisse: hic est meus sponsus: ipsum testem subiunxisse, gaudeo, et Antonium respon- disse, gratias.

Haec erant testimonia adducta pro Lucia: quibus possitis, ex officio adnotabatur, eos testes etsi consanguinitate, affinitate vel amicitiae vinculo iunctos, non posse iure negligi; cum in huius- modi negotiis, quae inter parentes et amicos agi solent, frustra alii quaererentur.

Porro eorum testimoniis inspectis satis constare sive de pro- missione a viro facta, sive de repromissione mulieris : non enim praescribi verba et modum quo sponsalia contrahantur, cum per solum consensum perficiantur; ac proinde sufficiat, ut de volun- tate constet, sive per verba, sive per signa voluntas con- sensusque exprimatur, cap. 21 et 25 de sponsal. Immo ex indiciis et circumstantiis argui quoque posse a iudice sponsalium con- tractum.