8 3

MELEVITANA

SPONSALIUM

Die 30 Maii 1891. Sess. 25 cap. 1, De reform.

COMPENDIUM FACTI. Iam bina denunciatio iuxta morem, de matrimonio contrahendo inter Mariam Ellul et Carmelum Sammut, pagi Casal Curmi melevitanae Dioecesis, in paro- chiali ecclesia facta fuerat, cum Salvator Attard eiusdem loci hisce nuptiis oppositionem fecit, ac die 10 Aprilis 1890 in Episcopali curia nihil transeat apposuit. Asserebat enim iam a pluribus mensibus inter se et Mariam Ellul mutuam matrimonii promissionem intercessisse, atque proinde ad pro- clamatas nuptias ineundas sponsalium impedimentum obstare. Itaque, ipso instante, in curia processus institutus est, ac utriusque partis testibus excussis et omnibus rite peractis absolutus est die 2 Iunii eiusdem anni, sententia a vicario generali lata, cuius haec erat conclusio : « Perpendentes proinde ex praemissis, praecisam obligationem ad effectum coactionis nullatenus oriri dici posse, dicimus et declaramus nullum atque irritum impedimentum a citato obtentum, atque ideo dictam Mariam Ellul omnino esse in libertate, seu quo- vis cum alio viro matrimonium contrahendi, nisi aliud ei obstiterit canonicum impedimentum. »

Cum tamen haec sententia Salvatori Attard minime ar- risisset, hinc post aliquod tempus appellatio apud S. C C . interposita fuit, cui proinde a Melevitana curia testium de- positiones aliaque acta transmissa fuerunt.

Episcopus de more rogatus, ut coniici poterat, senten- tiae suae curiae adhaesit omnino, atque, pluribus animad- versis, haec addidit : notandum quoque est quod iure veram et formalem promissionem matrimonii sequi solet familiaris laetitia; cui adstant parentes utriusque partis: et in qua pa- rentes sponsae tradere solent annulum sponso; haec omnia in •casu defuerunt. Misit etiam declarationem Mariae Ellul seri-