GRATIANOPOLITANA 85

rarum spatio ad deliberandum concederet, quo inutiliter praeterlapso, commonefaceret, interdictum personale generale ipsum incurrisse, quamobrem nec paroeciam loci Chañas am- plius administrare posse. Decreti executio facta est die 27 Fe- bruarii 1890. Nihilominus quia parochum dimovere possibile non fuit, rogatu Episcopi interveniente etiam decreto politicae potestatis nimirum Praefecturae, apud suos se contulit sa- cerdos Giroud in oppido Trept.

Hic interea, contra interdicti decretum, aliam interposuit ad S. Sedem appellationem petens in integrum restitutionem. Ad instantiam Episcopi et sacerdotis Abel, Curia metropo- litana Lugdunensis, examinata quaestione, relate ad rationes peractae administrationis, ex voto viri periti, ratiocinatoris et Secretarii Tribunalis commercii Lugdunensis, declaravit administrationis gestionem undequaque probandam esse.

Etiam S. C. C. controversia perpensa, potius sub aspectu, an accusationes a sacerdote Giroud in suum confratrem dis- seminatae, legitimae essent, sub die 2 Maii 1891 hoc Re- scriptum dedit Gratianopolitano Episcopo : « Ad examen revocatis quae hinc inde allata sunt circa controversiam a F. Giroud motam, iisdem perpensis, Emi PP. rescripserunt: Provisum per sententiam Curiae Episcopalis diei 23 Apri- lis 1889, confirmatam ab Emo Metropolitano, die 12 Octo- bris 1890, ideoque orator acquiescat. Qui tamen Giroud graviter moneatur, ut conscientiae suae consulat, laesam confratris famam restituat, veniam a suo Episcopo postulet et in posterum abhorreat a similibus. »

Huic Rescripto reposuit sacerdos Giroud, non eam fuisse suam intentionem in appellatione interponenda apud S. Se- dem, iudicium exposcere circa meritum administrationis sa- cerdotis Abel, sed impugnare decreta Episcopalia diei 25 No- vembris 1889 et 27 Februarii 1890, quippe iniustas poenas irrogantia.

Revera modo quaestio circa rationes peractae restaura- tionis a sacerdote Abel absoluta videtur. Nam sacerdos Ron- stang successor in paroecia loci - Avenières - ratas habuit