Ex Secretaria Brevium 83

licae Sedis existimatione et gratia floruisse. His certe acce- pimus id tributum esse antiquitus, ut quae Romanus Pontifex praescripsisset, ea non suae solummodo provinciae, sed cun- ctis Hispaniae ecclesiis denuntiarent, servandaque curarent ; quo pertinet S. Siricii ad Himerium, S. Hilarii ad Ascanium, S. Hormisdae ad Ioannem litterae. Deinceps ad hanc usque aetatem, complura eaque praeclara extiterunt Decessorum Nostrorum testimonia, quae Metropolitanae Sedis Tarraco- nensis, eiusque provinciae dignitatem illustrarent. Iamvero Archidioecesis eiusdem decora, non ita in Metropolitana con- sistunt ecclesia, ut non etiam in subiectis sedibus, Barcino- nensi nominatim, niteant. Etenim non est dubium quin inter splendidiores Hispaniae urbes numeranda sit Barcino, vel ci- vium copia, vel advenarum affluentia, vel mercaturae atque artium spectetur vigor. In eo autem, quod caput est, nimi- rum in amore cultuque religionis avitae, in obsequio obser- vantiaque erga Beati Petri Cathedram, sic sese gerere intel- ligimus Barcinonensem civitatem, ut nulli concedere videatur. Profecto vulgaria non sunt, quae catholici homines, praesertim vario consociati foedere, dant ibi sollertiae et alacritatis exempla ad tuendum in omni genere vitae christianum decus : quarum consociationum benefica virtus, in bonum maxime operariae plebis, non solis Catalauniae finibus continetur. Haec Nos animo reputantes, par esse omnino ducimus, quod iam plu- ries a Decessoribus novimus factum, ut insignem aliquam Episcopalem ecclesiam sacri Pallii honore decorarent , id ipsum praestari a Nobis ad Barcinonensem ornandam sedem; eo magis quod eamdem qui hodie obtinet, virtutum suarum non minus quam Romanae purpurae splendore condecorat. Porro ecclesiae quoque Tarraconensi, cuius caeteroquin prae- stantiam metropoliticam volumus, uti antehac, ita nunc et in posterum esse salvam, rem Nos pergratam facturos arbitra- mur; siquidem ad ipsius amplificandam dignitatem recidit subditae Sedi collatus honor. Simul hinc fore confidimus ut