81. De Beata Maria V.

1 a. Veneremur summam matrem,
Quae genuit summum patrem
Sine carnis semine ;

1b. Cuius fructus malum lavit,
Quod per fructum perpetravit
Adam gustus crimine.

2 a. Ave, rosa spiritalis,
Cuius fructus virginalis
Edidit solacium,

2 b. Ovem lapsamque reduxit,
Hostis vetus quam seduxit
Per doli consilium.

3 a. Tu emendas omnes mendas,
Tu ad oves redimendas
Peperisti filium ;

3 b. Sancta sanctum germinasti,
Germinando non peccasti,
Inter spinas lilinm.

4 a. Ave, culpam redemisti,
Sola solem emisisti,
Qui illustrat omnia ;

4b. Eia, cunctos expiasti,
Portum nobis apportasti,
Quieverunt maria.

5 a. Super astra dominaris,
Nobis rubus designans,
Qui sprevit incendia ;

5 b. Nihil in te violavit

Partus, sed te totam lavit
Numinis substantia.

6 a. Ergo, mater, ora patrem,
Qui te fecit suam matrem
Iuncta fcarne numine],

6 b. Ut nos tua servet prece,
Peccatorum vili faece
Mundet et a crimine.