84. De sancto Claudio.

Introitus.

O rex regum gloriae,
Qui Claudium hodie

Ad regnum deducis,
Fac nos eius precibus,
Tam votis quam vocibus

Sic tibi placere,
Ut datum pauperibus
Regnum in caelestibus

Possimus habere.
Claudi, tuis miraculis
Ager fidei pullulat,
Gemens infernus ululat.

Graduale.

Non est nostrae paupertatis
Nec humanae facultatis

Referre miracula,
Quibus virtus deitatis,
Testis sancti sanctitatis,

Illustravit saecula.

Alleluia.

O Claudi, qui corpore

Hac in urbe reservatus,
Praeserva nos a languore
Venenosi flatus
Per tua miracula.
Alleluia.

Offertorium.

Quanti sanctus sit nominis,

Mortui testantur,
Qui utriusque hominis

Morte tenebantur,
Nam Claudii meritis

Multi suscitantur

Communio.

Gloriose praesul Christi,
Claudi sacratissime,

Duc nos tecum, quo ivisti,
Post Christum piissime,

Intercede et pro nostra
omniumque salute.