V E N E T E N .

85

M A T R I M O N I I

Die 4 Maii 1889

C O M P E N D I U M F A C T I . Die 1 8 Aprilis 1 8 6 0 , Lorienti, Dioe- cesis venetensis oppido, in ecclesia parochiali s. Ludovici , post civilem ritum sacrum matrimonium celebrabant Aloysia Laurent et Ernestus Pretot. Illa 18 annos nata erat, hic magistratum iam agebat et quintum lustrum excesserat. Puella ad nubendum Ernesto precibus gravibusque parentum minis se dicit compulsam, et cum lacrimis magnaque animi reluctantia nupsisse.

Quidquid sit, certum est vitae consortium, quod 14 an- nos perseveravit, infelicissimum fuisse, mulieri praesertim, quae tandem adeo gravi nervorum morbo correpta e s t , ut in amentiam incidisse videretur. Et ideo inclusa fuit in manicomio loci Ivry, ubi tamen duriora adhuc passam se conqueritur.

Inde patris cura educta, et a viro separata, aliquot an- nos transegit in monasterio Monialium Augustinianarum Mel- densem ; usque dum mortuo patre, et evulgata interim in Gallus divortii lege, legalem a viro divisionem expoposcit et obtinuit. Libera civiliter effecta, verità non est statim no- vum maritale foedus inire cum tribuno militum Geoffroy. Attamen, conscientiae stimulo ducta, postridie a civili hoc ritu curiam Parisiensem adiit, rogatura, ut matrimonium a se initum cum Ernesto Prêtot nullum declararetur ex capi- te vis et metus.

Et Parisiensis curia ex S. C. C. delegatione processum instruxit : actricem eiusque matrem nec non et quatuor te- stes ab actrice propositos accersivit et audiit : quintum, nem- pe monialem Bertham Lahalle, per Ordinarium Baltimoren- sem excuti curavit. Sed vir licet ab Ordinario Burdigalen- si, Burdigalae namque tunc versabatur, non semel rogatus, et ab initio ad depositionem faciendam aliquatenus propen-