82. De Beata Maria V.

1 a. O Maria, virgo pia,

Stella maris fulgida,

1b. Mater alma, Dei sponsa,
Summi regis filia.

2 a. Te honorant, te collaudant
Sanctorum consortia,
Ut in terris plebs fidelis
Cum matre ecclesia.

2 b. Tu caelorum es regina,
Genetrix et innupta,
Florens rosa, carens spina,
Angelorum domina.

3 a. Verbum patris incarnatum
Per te nobis est donatum
Carne ex virginea,

3 b. Verbum, per quod caelum factum,
Passum ob mundi reatum
Sua sola gratia.

4 a. Summus pater summi nati
Gabrielem tibi matri
Destinavit angelum ;

4b. Ex te nomen hic sortitus
Ad te venit ut legatus,
Paritura Dominum,

5 a. Dicens Ave tam suave
Prole fecundissima.

5 b. Ergo iure digna laude,
Vale, benignissima.

6 a. Et nos Christo reconsigna,
Pio nato, ut benigna
Mater, virgo virginum.

6 b. Nos in arce po[li] . ,