83. In Assumptione.

1. Gaude, felici gaudio
Assumpta jam a filio,
Quae frueris colloquio,
Amplexu et obsequio.

2. Tota coelestis curia
Procedit tibi obvia,
Sede Iocaris regia,
Praecellis omni gloria.

3. Jam dilectum contemplaris,
Contemplando veneraris,
Venerando oscularis,
Osculando jucundaris.

4. Porta coeli, stella maris,
Mundi portus salutaris,
Gemma coeli singularis,
Margarita expers paris.

5. Maria, mater gratiae,
Mater misericordiae,
De lacu nos miseriae
Transfer ad regnum gloriae.

6. O Maria, considera,

Quod propter nos puerpera
Sis, et quod tua ubera
Suxit, qui regit aethera.