86 Concursus ad praebendam theologalem

sese eamdem formam servare velle. Iamvero in illo facta fue- rat facultas concurrentibus ter acu pungendi librum ut unum pro dissertatione thema seligerent. Michael huic dispositioni minime obstitit ; ideoque immerito queri quia Ioannes bis librum acu pupugerit.

Immerito pariter dicebatur incusari Ioannes, quia in textu Evangelii - Et stans super illam imperavit febri et dimisit illam conciunculam finxit ostendens infirmitates nedum utiles sed aliquando necessarias esse christianis. Nam conceptus et Spiritus illius patet praesertim ex curatione mulieris, quae postea recuperata valetudine usa est praesertim in Dei ser- vitium ac proinde conciuncula maxime congrua fuit spiritui illius textus evangelici.

Demum quoad votum Capituli observabatur Michaelem non Capitulum, sed potius Episcopum incusare. Siquidem Capitulum consultivum, Episcopus vero votum habet delibera- tivum. Hinc aut dicendum Episcopum adeo crassae fuisse mentis ut artes et fraudes Capituli non intelligeret ; aut ipsum quoque hac corruptione convolutum fuisse, quod nefas est cogitare. Et sanae mentis homines quid dicent de Michaele, qui tam corruptum illud collegium pingit, et tamen plus quam fando exprimi possit, insudat, ut in eo collegio cooptetur? Ëx his omnibus concludebatur, peractum concursum nulla notari posse irregularitate, aut corruptione, ideoque factam electionem plene sustineri debere.

DEFENSIO MICHAELIS . Pro Michaele Orator electus in Urbe defensionem suscepit. Hic praemisso quod concursus ad praebendam theologalem in Dioecesi A haberi debet

iuxta Constitutiones Sixti IV et Leonis X a s. m. Clemen- tis XIV Constitutione - Nuper pro parte 24 novembris 1769 ad eam Dioecesim extensas, duplici ex capite absolutam electionem impetebat, nempe ex nullitate et iniustitia, ac concludebat prae- bendam Michaeli esse conferendam posthabito novo concursu.

Primo igitur contendebat multas illarum Constitutionum formas pessumdatas fuisse favore Ioannis, quarum concul-