83. De Beata Maria V.

1 a. Ave, virgo virginum,
Mater, cuius fructus
Dat misellis terminum
Lamenti et luctus.

1 b. Salvo tibi fiosculo
Intacti pudoris
Impraegnaris masculo
Vi caelestis roris.

2 a. Clausa paris parvulum,
Poenis nullis torta,
Pudoris signaculum
Salvat proles orta.

2 b. Pascis tuum pabulum,
Regis te regentem,
Geris tuum geralura
Gerens vagientem.

3 a. Tu es vitae speculum,
Morum doctrinale,
Quo docetur saeculum
Effici morale.

3 b. Tu bibax es spongia
Divini fluenti,
De qua manat copia
Mundo sitienti.

4 a. Transcendis clementia,

Quidquid non est Deus,
Hinc ad te per omnia
Fugit exsul reus.

4 b. Ergo per te veniam
Consequamur rei
Et aeternam feriam
Celsi iubilaei.