Sermo IV .

In Nativitate Domini sermo fratris Bonaventurae editas Parisius in domo Fratrum Minorum coram Universitate Parisiensi.

Vide ar cum et benedic eum qui fecit ill um; valde speciosus est in splendore suo. Gyrauit caelum in circuitu gloriae suae, manus Excelsi aperuerunt ill um Ecclesiastici quadragesimo tertio.

Consideranti mihi celebritatis hodiernae inenarrabile mysterium et admirabile sacramentum et inexplicabile beneficium occurrit praemissa auctoritas, in qua nativitatis Christi novae per carnem veritas explicatur sub metaphora iridis sive arcus caelestis In qua Sapiens quatuor facit: primo mittit ad devotam recognitionem originalis et universalis Dei potentiae, per carnis assumtionem inclinatae, cum dicit: Vide arcum et benedic eum qui fecit illum.

Secundo inducit ad studiosam speculationem luciformis et pulcriformis Dei sapientiae, per novam nativitatem revelatae, cum dicit: valde speciosus est in splendore suo.

Tertio deducit ad gratiosam degustationem boniformis et liberalis Dei clementiae, humano generi hodie communicatas, cum dicit: gyravit caelum in circuitu gloriae suae.

Quarto reducit ad harum omnium gratiarum debitam actionem per recogitationem tantae gratiae, divinitus mundo effusae, cum addit: manus Excelsi aperuerunt illum. Sub metaphora ergo iridis sive caelestis arcus Dei potentia nobis inclinata per humanitatem ostenditur, cum dicit Sapiens: Vide arcum , id est, divinam Maiestatem considera quasi per nubem Immanitatis, se mundo inclinantem per incarnationis mysterium et condescendentem per novae nativitatis in carne sacramentum; et benedic, per recognitionem, qui fecit illum, hoc est Patrem aeternum, qui sic eum incarnari et nasci ordinavit.

Nota ergo, quod Christus natus dicitur arcus ; caelestis propter octo proprietates virtuales, quae sunt ; in arcu secundum repr aesentati onem, et fuerunt in Christe nato per omne tempus secundum veritatem.

Nam arcus quantum ad substantiam procreatur ex refulgentia et repercussione radiorum solarium in nube concava, rorida et imbrifera Sic substantia Christi nati quantum ad corpus et animam procreata est ex reflexione radiorum et virtutum beatissimae Trinitatis tanquam solis aeterni in Virginem gloriosam sive in naturam humanam, tanquam in nube concava per humilitatem profundam, rorida et imbrifera per Spiritus sancti superventionem abundam; Ecclesiastici quinquagesimo : Quasi arcus refulgens inter nebulas gloriae etc, dicitur de Christo nato.

Plena facie respicit solem ex opposito et respicitur a sole. Sic Christus natus plena facie animae per plenitudinem sapientiae respiciebat in fontem lucis aeternae et respiciebatur a fonte lucis, utpote in quo erant thesauri sapientiae et scientiae Dei absconditi, et in quoinhabitat omnis plenitudo Divinitatis cor poraliter; Ezechielis primo : ''Vidi quasi speciem ignis splendentis in circuitu, velut aspectum arcus, cum fuerit in nube in die pluvias. Hic erat aspectus splendoris per gyrum. Haec visio similitudinis gloriae Domini.

A terra usque ad caelum circulariter elevatur, duobus cornibus terram percutiendo et vertice caelum tangendo. Sic Christus natus in terra ut viator elevatur in caelum, ut comprehensor et spiritu et carne calcabat mundum et synderesi habitabat caelum; Apocalypsis decimo : Vidi alium Angelum fortem, descendentem de caelo, amictum nube, et iris in capite eius, et facies eius erat ut sol, et pedes eius tanquam columnae ignis. ''

Quadricolor est ex quatuor elementis sibi oppositis et in se relucentibus. Sic Christus natus in se transformavit colorem rubeum per caritatem igneam; colorem aereum per serenitatem placidam; colorem viridem per amoenitatem gratiosam; colorem aqueum per pietatem fraternam; absque coloribus aliis specialibus variis, quos in eo distinguere non sinit causa, sicut nullus pictor potest alios colores arcus distinguere secundum Philosophum ; Apocalypsis quarto: Iris erat in circuitu sedis similis visioni smaragdinae.

Nunquam videtur nisi de die; creatur enim a radiis solaribus, et non nisi bis de nocte in quinquaginta annis, creatus tunc a radiis lunae ; sic Christus natus nunquam apparuit nisi in claritate exemplorum fidelibus, et bis de nocte puer delatus est in Aegyptum et reductus a facie infidelium Genesis nono : Arcum meum ponam in nubibus, et erit signum foederis inter me et inter terram. - Nunquam apparet nisi in tempore pluviali de mane, aut de sero, " non autem in meridie ", quia tunc sol mediat orbem nec potest sibi opponi, secundum Philosophum . Sic Christus natus nunquam apparuit nisi misericors, pius, pacificus et gratiosus, nunquam autem terribilis fuit sive furens; Genesis nono: Cumque obduxero nubibus caelum, apparebit arcus meus i n nubibus .

Per sui resolutionem in pluviam vel in rorem inferiora fecundat, superiora serenat. Sic Christus natus per sui ipsius exinanitionem et largifluam influentiam et benedictionem humanum genus in Deum fecundavit et angelicam naturam de sui reparatione iucundavit; Genesis nono : Apparebit arcus meus in nubib us , et recordabor foederis mei vobiscum.

Dominium humiditatis in aere (significat); propter quod dicit Beda et magister in Historia, " quod per quadraginta annos ante iudicium non apparebit in signum desiccationis et defectionis elementorum ". Sic Christus natus significavit praedominativam pietatis et misericordiae et gratiae dandam mundo, in cuius signum, nato Christo, Romae fons olei erupit et defluxit in Tyberim; Ezechielis primo: Velut aspectum arcus, cum fuerit in nube i n diepluviae .