VENETEN- 87

147, Barbosa Collect, lib. 4 Beeret, cap. Eco litteris Be consang. et affin.

At in casu quinque sunt testes, quibus mater adiici pos- set, omnes fide digni, et cum coniectura, idest, cum indiciis, factis, et adminiculis pluribus de metu deponentes: insuper universi omni exceptione maiores, cum nec matertera, nec forte mater, aliqua exceptione repelli possit. Nam in causis matrimonialibus consanguinei et familiares non habentur su- specti ex clara praescriptione cap. videtur nobis 7, De iis qui matrim, etc., quia obiecta domesticitas non minuit, sed potius auget fidem testis in hac materia, ratione prae- scriptae scientiae et veritatis, > Rota, loc. cit. num. 10.

Deinde patronus de Aloysiae eiusque parentum indole disserens, ait, omnes testes affirmare, Aloysiae patrem, virum illustrem publicis negotiis deditum, ac religiosum fuisse; at honorum cupidum, imperiosum ac proclivem ad iram si con- tradicebatur. Mater autem viro obsequentissima, sed et ipsa ambitiosa ac obstinata. Uterque filiam saepe blandiebatur, at non raro etiam absolute ei dominabatur, quin ipsa con- tradicere posset.

Nec refert aliquos testes amorem ac humanitatem paren- tum erga filiam extollere; nam non raro contingit, paren- tes in iis de quibus non satagunt maxime indulgentes filiis se praebere, dum in aliquo negotio, quod eorum valde in- terest, filios obsequentes omnino volunt.

Atque hoc prorsus in themate accidisse dicit orator, ut ex sequentibus ostendet. Sed interim, ut notet quantae per- vicaciae fuerint Aloysiae parentes, recolit patrem misertum tunc solum esse filiae, et separationem eius a viro permi- sisse, cum mentem ac vitam Aloysiae in discrimen prorsus cognovit. Dum mater obstinatior adhuc fuit, nam tum quo- que voluisset ut Aloysia necessitati acquiesceret et invisum hominem amaret; quam sententiam vix hodie atque aegre mutavit, ceu expresse fatetur Elias Lahalle.

Vicissim Aloysia egregiae indolis, religiosa et honesta describitur a moniali Lahalle, aliisque testibus; .praesertim