GRATIANOPOLITANA 87

publicis, non servata iuris forma poenas irrogaverint vel censuras tulerint, toties praelaudata Sacra Congregatio Con- cilii Tridentini interpretum nullas atque irritas easdem de- claravit ».

Quae vero de substantiali primi decreti defectu notavit Orator, eadem dicit inficere secundum decretum.

Hoc die 27 februarii 1890 nunciatur parocho, qui inter- dicti personalis censura percellitur. Nunciatio decreti facta est per archipresbyterum de Morestel. Et sub eadem decreti die (24 Februarii) episcopus auctoritatem suam in Vicarium Generalem, speciali mandato transtulisse testatur his verbis : « respice ut legitime factum quod D. Mussel (vicarius) fecit per D. Archipresbyterum. »

Revocat patronus quae sunt decreti praecisa verba « Dominus episcopus eum plectit universali interdicto ipso facto et illi aufertur paroecia de Ghanas. » Quibus commis- sarius Archipresbyter oralem explicationem adiicit : « ei am- plius non licere S. Missam celebrare, nec audire, nec accipere Sacramenta Eucharistiae et Poenitentiae, sine irregularitatis nota. » Unde patet sacerdotem Giroud iam ab ecclesia des Avenières antea expulsum fuisse.

Ad haec, advertit Orator, secundi decreti vitia, graviora esse. Nulla enim iudicii species praemissa est, nulla in ius vocatio, nulla accusationum contestatio, nulla sententiae for- ma, nulla monitio, nullus probationibus et defensioni locus, quae omnia, ut supervacanea neglecta fuerunt.

Hisce notatis relate ad decretorum formam, quoad sub- stantiam, arguit patronus, non minores adesse defectus. Nam parocho, hoc maxime crimen obiectum fuit, ipsum noluisse imperio episcopi parere, debitum Paroeciae erga D. Abelem agnoscendo et confirmando ad normam et modum rationum ab hoc redditarum, quin eas rationes ullo examini subiiceret. Hoc primum ; exinde translationem in paroeciam subsidiariam longe inferioris ordinis noluisse acceptam habere. Haec altera videtur causa fuisse secundi decreti, quae, ut pa- tet, a priore originem petit eique arctissime colligatur.